Atyraý munai óńdeý zaýyty ziiandy zattardyń apatty mólsherde shyǵarylýy týraly videony joqqa shyǵardy, dep habarlaidy "Ult aqparat".
«Áleýmettik jelilerde Atyraý munai óńdeý zaýytynda óndirilgen ziiandy zattyń apatty mólsherde shyǵarylýy týraly video tarap jatyr. Osyǵan orai, 17-18 qazanda zaýyt qondyrǵylary tehnologiialyq rejimde jumys istep turǵanyn, jumysynda aqaý joq jáne apatty jaǵdai bolmaǵanyn habarlaimyz. Tehnologiiaǵa sáikes katalitikalyq kreking qondyrǵysy janý ónimderiniń atmosferaǵa enýine jol bermeitin zamanaýi BELCO (amerikalyq tehnologiia) tútin gazyn tazartý júiesimen jabdyqtalǵan. Qorshaǵan orta temperatýrasynyń tómendeýine bailanysty tútin qubyrlarynan jylý izi aiqyn kórinedi, atmosferaǵa taraityn lastaýshy zat mólsheriniń artyp ketýine jol bermeidi», - dep habarlady munai óńdeý mekemesiniń qoǵammen bailanys qyzmeti.
Qala turǵyndary áleýmettik jelilerde tańǵa jýyq jaǵymsyz iistiń baiqalǵanyn jazyp jatyr.
