Qazaqstan aldaǵy ýaqytta ózen arqyly taýar tasymalyn Ertis ózeniniń sheginde ǵana emes, Ob ózenine deiin júzege asyratyn bolady, dep habarlaidy "Ult aqparat".
«Jalpy aldaǵy kelisimniń kómegimen ekijaqty tasymaldardy habarlama tártibine aýystyrý kózdeledi. Jyl saiyn 1 sáýirge deiin ýákiletti organdar ekijaqty tasymaldardy júzege asyratyn kemelerdiń aldyn ala tizimderin kelisetin bolady. Qajet bolǵan jaǵdaida jyl ishinde bul tizimge ózgeris engizý múmkindigi qaralǵan», - dedi Berik Qamaliev Parlament Májilisinde keme qatynasy týraly kelisimdi ratifikatsiialaý jónindegi zań jobasyn tanystyrý barysynda.
Onyń aitýynsha, bul rette kelisim qabyldanǵannan keiin qazaqstandyq tasymaldaýshylar ózen tasymaldaryn Ertis basseini sheginde ǵana emes, Ob ózenine deiin júzege asyrady.
«Sondai-aq Atyraý, Astrahan, Volgograd porttary arasyndaǵy ekijaqty tasymaldardy jańartý máselesi pysyqtalýda. Osylaisha 2025 jylǵa qarai ózen tasymaldarynyń kólemin 1,5 mln tonnaǵa deiin jetkizý boljanyp otyr», - dedi ol.
