قازاقستان الداعى ۋاقىتتا ٶزەن ارقىلى تاۋار تاسىمالىن ەرتٸس ٶزەنٸنٸڭ شەگٸندە عانا ەمەس, وب ٶزەنٸنە دەيٸن جٷزەگە اسىراتىن بولادى, دەپ حابارلايدى "ۇلت اقپارات".
«جالپى الداعى كەلٸسٸمنٸڭ كٶمەگٸمەن ەكٸجاقتى تاسىمالداردى حابارلاما تەرتٸبٸنە اۋىستىرۋ كٶزدەلەدٸ. جىل سايىن 1 سەۋٸرگە دەيٸن ۋەكٸلەتتٸ ورگاندار ەكٸجاقتى تاسىمالداردى جٷزەگە اسىراتىن كەمەلەردٸڭ الدىن الا تٸزٸمدەرٸن كەلٸسەتٸن بولادى. قاجەت بولعان جاعدايدا جىل ٸشٸندە بۇل تٸزٸمگە ٶزگەرٸس ەنگٸزۋ مٷمكٸندٸگٸ قارالعان», - دەدٸ بەرٸك قاماليەۆ پارلامەنت مەجٸلٸسٸندە كەمە قاتىناسى تۋرالى كەلٸسٸمدٸ راتيفيكاتسييالاۋ جٶنٸندەگٸ زاڭ جوباسىن تانىستىرۋ بارىسىندا.
ونىڭ ايتۋىنشا, بۇل رەتتە كەلٸسٸم قابىلدانعاننان كەيٸن قازاقستاندىق تاسىمالداۋشىلار ٶزەن تاسىمالدارىن ەرتٸس باسسەينٸ شەگٸندە عانا ەمەس, وب ٶزەنٸنە دەيٸن جٷزەگە اسىرادى.
«سونداي-اق اتىراۋ, استراحان, ۆولگوگراد پورتتارى اراسىنداعى ەكٸجاقتى تاسىمالداردى جاڭارتۋ مەسەلەسٸ پىسىقتالۋدا. وسىلايشا 2025 جىلعا قاراي ٶزەن تاسىمالدارىنىڭ كٶلەمٸن 1,5 ملن تونناعا دەيٸن جەتكٸزۋ بولجانىپ وتىر», - دەدٸ ول.
