«Atyraý» fýtbol klýby tolyqtai jekemenshik basqarýǵa ótti. Endi klýbtyń 100 paiyz úlesi «Caspian Football Group» JShS-niń ieliginde, dep habarlaidy ult.kz.
Bul týraly Atyraý oblystyq memlekettik satyp alý jáne kommýnaldyq menshik basqarmasy habarlady. Ózgeris Memleket basshysynyń kásibi sportty damytý jáne fýtbol klýbtaryn jekemenshik sektorǵa berý jónindegi tapsyrmasy aiasynda júzege asqan.
Klýbtyń jańa iesi – kásipker Bolat Qonarbai. Jańa basshylyq óńirlik fýtboldy damytýǵa baǵyttalǵan birqatar jobany qolǵa alýdy josparlap otyr.
Olardyń qatarynda balalar fýtbol akademiiasyn ashý, jasóspirimder fýtbolyn damytý, sporttyq infraqurylymdy jańǵyrtý jáne Atyraý fýtbolynyń básekege qabilettiligin arttyrý bar. Bul mindetter klýbty jekeshelendirý kezinde ákimdik tarapynan qoiylǵan talaptardyń biri bolǵan.
Sondai-aq jańa investor klýbqa qosymsha qarjy tartyp, materialdyq-tehnikalyq bazany nyǵaitýdy jáne kásibi fýtboldy jańa deńgeige kóterýdi kózdep otyr.
Aita keteiik, biyl sáýir aiynda «Atyraý» fýtbol klýby 77 million teńgege satylǵan bolatyn.
