«اتىراۋ» فۋتبول كلۋبى تولىقتاي جەكەمەنشٸك باسقارۋعا ٶتتٸ. ەندٸ كلۋبتىڭ 100 پايىز ٷلەسٸ «Caspian Football Group» جشس-نٸڭ يەلٸگٸندە, دەپ حابارلايدى ult.kz.
بۇل تۋرالى اتىراۋ وبلىستىق مەملەكەتتٸك ساتىپ الۋ جەنە كوممۋنالدىق مەنشٸك باسقارماسى حابارلادى. ٶزگەرٸس مەملەكەت باسشىسىنىڭ كەسٸبي سپورتتى دامىتۋ جەنە فۋتبول كلۋبتارىن جەكەمەنشٸك سەكتورعا بەرۋ جٶنٸندەگٸ تاپسىرماسى اياسىندا جٷزەگە اسقان.
كلۋبتىڭ جاڭا يەسٸ – كەسٸپكەر بولات قونارباي. جاڭا باسشىلىق ٶڭٸرلٸك فۋتبولدى دامىتۋعا باعىتتالعان بٸرقاتار جوبانى قولعا الۋدى جوسپارلاپ وتىر.
ولاردىڭ قاتارىندا بالالار فۋتبول اكادەميياسىن اشۋ, جاسٶسپٸرٸمدەر فۋتبولىن دامىتۋ, سپورتتىق ينفراقۇرىلىمدى جاڭعىرتۋ جەنە اتىراۋ فۋتبولىنىڭ بەسەكەگە قابٸلەتتٸلٸگٸن ارتتىرۋ بار. بۇل مٸندەتتەر كلۋبتى جەكەشەلەندٸرۋ كەزٸندە ەكٸمدٸك تاراپىنان قويىلعان تالاپتاردىڭ بٸرٸ بولعان.
سونداي-اق جاڭا ينۆەستور كلۋبقا قوسىمشا قارجى تارتىپ, ماتەريالدىق-تەحنيكالىق بازانى نىعايتۋدى جەنە كەسٸبي فۋتبولدى جاڭا دەڭگەيگە كٶتەرۋدٸ كٶزدەپ وتىر.
ايتا كەتەيٸك, بيىل سەۋٸر ايىندا «اتىراۋ» فۋتبول كلۋبى 77 ميلليون تەڭگەگە ساتىلعان بولاتىن.
