Atyraý oblysynyń aýdan ákimderi men oblys ortalyǵynyń ákimi qansha jalaqy alatyny belgili boldy, dep habarlaidy "Ult aqparat" aimaqtyń sybailas jemqorlyqqa qarsy is-qimyl departamentine silteme jasap.
19 tamyzda Memleket basshysy sybailas jemqorlyqqa qarsy kúres máseleleri jóninde keńes ótkizip, memlekettik organdardyń sybailas jemqorlyqqa qarsy is-qimyl baǵytyndaǵy jumystaryna jańa serpin berý kerektigin atap ótti.
Bul rette QR Sybailas jemqorlyqqa qarsy is-qimyl agenttiginiń Atyraý oblysy boiynsha departamenti azamattyq qoǵammen syndarly dialog ornatý maqsatynda «Antikor.Live» jobasy sheńberinde «Ákimdikterdiń ashyqtyǵy» taqyrybynda Atyraý qalasy ákimi Qairat Orazbaevtyń qatysýymen Facebook paraqshada tikelei efir ótkizdi.
Efir barysynda Qairat Qulymuly qoiylǵan suraqtarǵa jaýap berip, keibir máselelerdi baqylaýǵa aldy.
Sonymen qatar, «Sybailas jemqorlyq biz úshin emes» respýblikalyq aktsiiasy aiasynda Atyraý oblysynyń aýdan ákimderi jalaqysyn jariia etti.
Nátijesinde aýdan ákimderi eńbekaqysy aiyna 755 485 teńge ekenin kórsetti.
Osy joly «Jalaqyńyz qansha?» degen suraq Atyraý qalasy ákimine qoiylyp, onyń 380 000 teńgedei jalaqy alatyny belgili boldy.
