اتىراۋ وبلىسىنىڭ اۋدان ەكٸمدەرٸ مەن وبلىس ورتالىعىنىڭ ەكٸمٸ قانشا جالاقى الاتىنى بەلگٸلٸ بولدى, دەپ حابارلايدى "ۇلت اقپارات" ايماقتىڭ سىبايلاس جەمقورلىققا قارسى ٸس-قيمىل دەپارتامەنتٸنە سٸلتەمە جاساپ.
19 تامىزدا مەملەكەت باسشىسى سىبايلاس جەمقورلىققا قارسى كٷرەس مەسەلەلەرٸ جٶنٸندە كەڭەس ٶتكٸزٸپ, مەملەكەتتٸك ورگانداردىڭ سىبايلاس جەمقورلىققا قارسى ٸس-قيمىل باعىتىنداعى جۇمىستارىنا جاڭا سەرپٸن بەرۋ كەرەكتٸگٸن اتاپ ٶتتٸ.
بۇل رەتتە قر سىبايلاس جەمقورلىققا قارسى ٸس-قيمىل اگەنتتٸگٸنٸڭ اتىراۋ وبلىسى بويىنشا دەپارتامەنتٸ ازاماتتىق قوعاممەن سىندارلى ديالوگ ورناتۋ ماقساتىندا «Antikor.Live» جوباسى شەڭبەرٸندە «ەكٸمدٸكتەردٸڭ اشىقتىعى» تاقىرىبىندا اتىراۋ قالاسى ەكٸمٸ قايرات ورازباەۆتىڭ قاتىسۋىمەن Facebook پاراقشادا تٸكەلەي ەفير ٶتكٸزدٸ.
ەفير بارىسىندا قايرات قۇلىمۇلى قويىلعان سۇراقتارعا جاۋاپ بەرٸپ, كەيبٸر مەسەلەلەردٸ باقىلاۋعا الدى.
سونىمەن قاتار, «سىبايلاس جەمقورلىق بٸز ٷشٸن ەمەس» رەسپۋبليكالىق اكتسيياسى اياسىندا اتىراۋ وبلىسىنىڭ اۋدان ەكٸمدەرٸ جالاقىسىن جارييا ەتتٸ.
نەتيجەسٸندە اۋدان ەكٸمدەرٸ ەڭبەكاقىسى ايىنا 755 485 تەڭگە ەكەنٸن كٶرسەتتٸ.
وسى جولى «جالاقىڭىز قانشا?» دەگەن سۇراق اتىراۋ قالاسى ەكٸمٸنە قويىلىپ, ونىڭ 380 000 تەڭگەدەي جالاقى الاتىنى بەلگٸلٸ بولدى.
