Atyraý-Astrahan jolyndaǵy qurylys jumystarynyń keshigýine áser etken sebepterdiń biri – jobalaý kezinde qatelik. Osy qatelikti jibergender jaýapkershilikke tartyldy, - dep habarlaidy QazAqparat.
Bul týraly elimizdiń batys óńirindegi avtojoldardyń máselelerine arnalǵan qoǵamdyq talqylaýda QR Indýstriia jáne infraqurylymdyq damý ministri Qaiyrbek Óskenbaev aitty.
QR Parlamenti Senatynyń depýtaty Ǵumar Dúisembaev QR Prezidenti janyndaǵy Ortalyq kommýnikatsiialar qyzmetinde ótken kezdesý barysynda Atyraý-Astrahan avtojoly qurylysynyń keshigý sebepteri jáne qurylys materialdarynyń qymbattaýy jańadan kidirister týdyrý múmkindigi týraly másele kóterdi.
Suraqqa jaýap bergen QR IIDM basshysy jalpy uzyndyǵy 277 shaqyrymdyq avtojoldy rekonstrýktsiialaý quny 87,4 mlrd teńgeni quraitynyn atap ótti. 2019-2021 jyldary Resei shekarasynan Ganiýshkino kentine deiingi uzyndyǵy 60 shaqyrym bolatyn joldy qaita qurýdyń birinshi kezeńi iske asyryldy. Jumysqa 22 mlrd. teńge jumsaldy. Jańa jabyndy salynǵan ýchaskede qazir qozǵalys ashylǵan.
