Qazaqstannyń Kaspii teńizindegi sý aýmaǵynda balyq aýlaǵan shetelikter ustaldy. Bul jaiynda QR UQK baspasóz qyzmetinen málim etti, dep habarlaidy "Ult aqparat".
Vedomstvo málimetinshe, Shekara qyzmetiniń Mańǵystaý oblystyq departamenti 2020 jylǵy 30 sáýirde Qazaqstannyń aýmaqtyq sýlarynda túngi patrýldeý kezinde shekarany buzǵan kemeni anyqtaǵan. Shekarashylar halyqaralyq zańnamada kózdelgen toqtaýdyń vizýaldyq jáne dybystyq pármenin bergen sátte keme jyldamdyǵyn ulǵaityp, qashýǵa áreket jasaǵan. Shekara qyzmeti qyzmetkerleriniń kemeni toqtatý týraly talaptaryna baǵynbaý belgisi baiqalǵannan keiin áýege jáne keme qozǵaltqyshyna oq atylǵan.
«4 sheteldik ustalyp, qozǵaltqyshqa atylǵan oqtyń taiqyp ketýi saldarynan zardap shekkenderge alǵashqy meditsinalyq kómek kórsetildi. Shekara buzýshylar jáne olardyń joǵary jyldamdyqty qozǵaltqyshpen, spýtniktik bailanys jáne GPS-navigatorymen jabdyqtalǵan kemesi portqa súirep jetkizildi. Qazirgi ýaqytta shuǵyl tergeý amaldary júrgizilip jatyr», - delingen taratylǵan aqparatta.
