قازاقستاننىڭ كاسپيي تەڭٸزٸندەگٸ سۋ اۋماعىندا بالىق اۋلاعان شەتەلٸكتەر ۇستالدى. بۇل جايىندا قر ۇقك باسپاسٶز قىزمەتٸنەن مەلٸم ەتتٸ, دەپ حابارلايدى "ۇلت اقپارات".
ۆەدومستۆو مەلٸمەتٸنشە, شەكارا قىزمەتٸنٸڭ ماڭعىستاۋ وبلىستىق دەپارتامەنتٸ 2020 جىلعى 30 سەۋٸردە قازاقستاننىڭ اۋماقتىق سۋلارىندا تٷنگٸ پاترۋلدەۋ كەزٸندە شەكارانى بۇزعان كەمەنٸ انىقتاعان. شەكاراشىلار حالىقارالىق زاڭنامادا كٶزدەلگەن توقتاۋدىڭ ۆيزۋالدىق جەنە دىبىستىق پەرمەنٸن بەرگەن سەتتە كەمە جىلدامدىعىن ۇلعايتىپ, قاشۋعا ەرەكەت جاساعان. شەكارا قىزمەتٸ قىزمەتكەرلەرٸنٸڭ كەمەنٸ توقتاتۋ تۋرالى تالاپتارىنا باعىنباۋ بەلگٸسٸ بايقالعاننان كەيٸن ەۋەگە جەنە كەمە قوزعالتقىشىنا وق اتىلعان.
«4 شەتەلدٸك ۇستالىپ, قوزعالتقىشقا اتىلعان وقتىڭ تايقىپ كەتۋٸ سالدارىنان زارداپ شەككەندەرگە العاشقى مەديتسينالىق كٶمەك كٶرسەتٸلدٸ. شەكارا بۇزۋشىلار جەنە ولاردىڭ جوعارى جىلدامدىقتى قوزعالتقىشپەن, سپۋتنيكتٸك بايلانىس جەنە GPS-ناۆيگاتورىمەن جابدىقتالعان كەمەسٸ پورتقا سٷيرەپ جەتكٸزٸلدٸ. قازٸرگٸ ۋاقىتتا شۇعىل تەرگەۋ امالدارى جٷرگٸزٸلٸپ جاتىر», - دەلٸنگەن تاراتىلعان اقپاراتتا.
