Qyrǵyzstannyń Batken oblysynda atpen kele jatyp ózenge qulap ketken 48 jastaǵy er adamdy izdeý jumystary jalǵasyp jatyr. Bul týraly oblystyq Tótenshe jaǵdailar basqarmasy habarlady, dep habarlaidy ult.kz.
Vedomstvo málimetinshe, oqiǵa 10 tamyzda bolǵan. Choń-Gara aýylynyń turǵyny atpen kópir arqyly ótip bara jatqanda Kojoshken ózenine qulap ketken.
Oqiǵadan keiin izdestirý-qutqarý jumystary bastaldy. Keiin er adamnyń mingen aty óli kúiinde tabylǵan. Al 48 jastaǵy turǵynnyń ózi ázirge tabylǵan joq.
Qazirgi ýaqytta tótenshe jaǵdailar qyzmetiniń mamandary izdeý jumystaryn jalǵastyryp jatyr.
