قىرعىزستاننىڭ باتكەن وبلىسىندا اتپەن كەلە جاتىپ ٶزەنگە قۇلاپ كەتكەن 48 جاستاعى ەر ادامدى ٸزدەۋ جۇمىستارى جالعاسىپ جاتىر. بۇل تۋرالى وبلىستىق تٶتەنشە جاعدايلار باسقارماسى حابارلادى, دەپ حابارلايدى ult.kz.
ۆەدومستۆو مەلٸمەتٸنشە, وقيعا 10 تامىزدا بولعان. چوڭ-گارا اۋىلىنىڭ تۇرعىنى اتپەن كٶپٸر ارقىلى ٶتٸپ بارا جاتقاندا كوجوشكەن ٶزەنٸنە قۇلاپ كەتكەن.
وقيعادان كەيٸن ٸزدەستٸرۋ-قۇتقارۋ جۇمىستارى باستالدى. كەيٸن ەر ادامنىڭ مٸنگەن اتى ٶلٸ كٷيٸندە تابىلعان. ال 48 جاستاعى تۇرعىننىڭ ٶزٸ ەزٸرگە تابىلعان جوق.
قازٸرگٸ ۋاقىتتا تٶتەنشە جاعدايلار قىزمەتٸنٸڭ ماماندارى ٸزدەۋ جۇمىستارىن جالعاستىرىپ جاتىر.
