Foto:GOV.KZ
Akter Miras Jailaýov Qaýipsiz jáne ekologiialyq taza atom energiiasynyń ýaqyty keldi dep esepteidi. Bul týraly ol óziniń áleýmettik jelidegi paraqshasynda jazdy.
Onyń sózinshe, sońǵy jyldary Qazaqstanda atom elektr stantsiiasyn salý máselesi keńinen talqylanyp, ǵalymdar, ekologtar men halyq ortaq pikirge kelgen. Ol AES salý úshin barlyq táýekelder men artyqshylyqtardy muqiiat qarastyrý qajet ekenin aityp otyr.
"Nege dál qazir? Energiia tutyný jyl saiyn artyp keledi, al jabdyqtar tozyp barady. Qazirgi tańda elektr energiiasynyń táýliktik tapshylyǵy 1200 MVt-qa jetken. Bul elimizdiń energetikalyq júiesine úlken synaq.
Dekarbonizatsiia jolynda
Elektr energiiasynyń 65%-y kómir stantsiialarynan alynady. 2060 jylǵa qarai parniktik gazdar shyǵaryndylaryn azaitý mindettemesin oryndaý úshin bizge taza energiia kózderi qajet. AES – klimattyń ózgerýine qarsy kúrestiń mańyzdy quraly", -dei kele Miras Jailaýov Qazaqstanda AES salýdyń úsh artyqshylyqtaryn atady.
Onyń aitýynsha, turaqty jáne senimdi energiia kózi, eń joǵary qaýipsizdik standarttary men ǵylym, bilim jáne jańa jumys oryndarynyń damýyna úles qosý atom stantsiiasynyń artyqshylyqtary.
"Qazaqstan 2021 jyldan beri kóptegen zertteýler men halyqaralyq keńester ótkizýde. Endi 2024 jyldyń kúzinde AES salý boiynsha respýblikalyq referendým ótedi. Árbir qazaqstandyq bul mańyzdy sheshimge qatysýy kerek. Atom energetikasy – álemdik trend. Eger biz qazir áreket etpesek, keiinnen basqa elderdiń, tipti kórshilerimizdiń energetikalyq táýeldiliginde qalýymyz múmkin. Qazaqstan úshin ýaqytty joǵaltpaý mańyzdy!" -dep otyr akter Miras Jailaýov.
