27 qańtar kúni qazaqstandyq delegatsiia Beijińdegi qysqy Olimpiada oiyndaryna qatań karantin talaptaryna sai ushyp ketti. Bul týraly jýrnalisterge bergen suhbatynda Ulttyq Olimpiada komitetiniń bas hatshysy Andrei Kriýkov aityp berdi, dep habarlaidy QazAqparat.
«Qazir biz úshin eń basty másele – komandany jarys ótetin jerge tez ári qaýipsiz jetkizý, qajetti zattarmen qamtamasyz etip, atletter men bapkerlerdiń densaýlyǵyn saqtaý. Bul óte qiyn jumys, biz logistikany uzaq ýaqyt boiy josparladyq. Meiilinshe qaýip az bolý úshin bar kúshimizdi saldyq. UOK pen bizdiń áriptesterimizde úlken jaýapkershilik jatyr. Memleket basshysy men Úkimettiń qoldaýynyń arqasynda barlyq protsess bekitilgen reglament boiynsha ótti», - dedi ol.
Esterińizge sala keteiik, osyǵan deiin Qazaqstan quramasy Beijińge jetkeni týraly aqparat bergen bolatynbyz.
Olimpiada oiyndary 4 aqpan kúni bastalyp, 16 aqpanda máresine jetedi.
Aldyn ala málimet boiynsha, bul oiyndarǵa álemniń 95 elinen 4 myńnan astam sportshy qatysady. Onda 109 medal jiyntyǵy sarapqa salynady.
Oǵan Qazaqstan quramasynan barlyǵy 34 sportshy qatysady, olar 87 joldama jeńip aldy. Qazaqstandyqtar shańǵy jarysy, fristail akrobatika jáne mogýl, konkimen júgirý, short-trek, biatlon, taý shańǵysy, tuǵyrdan sekirý, shańǵy qossaiysy siiaqty 8 sport túrinen synǵa túsedi.
