27 قاڭتار كٷنٸ قازاقستاندىق دەلەگاتسييا بەيجٸڭدەگٸ قىسقى وليمپيادا ويىندارىنا قاتاڭ كارانتين تالاپتارىنا ساي ۇشىپ كەتتٸ. بۇل تۋرالى جۋرناليستەرگە بەرگەن سۇحباتىندا ۇلتتىق وليمپيادا كوميتەتٸنٸڭ باس حاتشىسى اندرەي كريۋكوۆ ايتىپ بەردٸ, دەپ حابارلايدى قازاقپارات.
«قازٸر بٸز ٷشٸن ەڭ باستى مەسەلە – كوماندانى جارىس ٶتەتٸن جەرگە تەز ەرٸ قاۋٸپسٸز جەتكٸزۋ, قاجەتتٸ زاتتارمەن قامتاماسىز ەتٸپ, اتلەتتەر مەن باپكەرلەردٸڭ دەنساۋلىعىن ساقتاۋ. بۇل ٶتە قيىن جۇمىس, بٸز لوگيستيكانى ۇزاق ۋاقىت بويى جوسپارلادىق. مەيٸلٸنشە قاۋٸپ از بولۋ ٷشٸن بار كٷشٸمٸزدٸ سالدىق. ۇوك پەن بٸزدٸڭ ەرٸپتەستەرٸمٸزدە ٷلكەن جاۋاپكەرشٸلٸك جاتىر. مەملەكەت باسشىسى مەن ٷكٸمەتتٸڭ قولداۋىنىڭ ارقاسىندا بارلىق پروتسەسس بەكٸتٸلگەن رەگلامەنت بويىنشا ٶتتٸ», - دەدٸ ول.
ەستەرٸڭٸزگە سالا كەتەيٸك, وسىعان دەيٸن قازاقستان قۇراماسى بەيجٸڭگە جەتكەنٸ تۋرالى اقپارات بەرگەن بولاتىنبىز.
وليمپيادا ويىندارى 4 اقپان كٷنٸ باستالىپ, 16 اقپاندا مەرەسٸنە جەتەدٸ.
الدىن الا مەلٸمەت بويىنشا, بۇل ويىندارعا ەلەمنٸڭ 95 ەلٸنەن 4 مىڭنان استام سپورتشى قاتىسادى. وندا 109 مەدال جيىنتىعى ساراپقا سالىنادى.
وعان قازاقستان قۇراماسىنان بارلىعى 34 سپورتشى قاتىسادى, ولار 87 جولداما جەڭٸپ الدى. قازاقستاندىقتار شاڭعى جارىسى, فريستايل اكروباتيكا جەنە موگۋل, كونكيمەن جٷگٸرۋ, شورت-ترەك, بياتلون, تاۋ شاڭعىسى, تۇعىردان سەكٸرۋ, شاڭعى قوسسايىسى سيياقتى 8 سپورت تٷرٸنەن سىنعا تٷسەدٸ.
