© Photo : Press-slýjba pravitelstva Kazahstana
Ataýly áleýmettik kómek tolyǵymen transformatsiialanady, endi ol tek muqtaj otbasylarǵa taǵaiyndalady. Bul týraly eńbek jáne halyqty áleýmettik qorǵaý ministri Svetlana Jaqypova málimdedi, dep habarlaidy «Ult aqparat» Sputnik Qazaqstanǵa silteme jasap.
Ministrdiń aitýynsha, 2019 jyly ataýly áleýmettik kómekti 2,2 mln adam alǵan. Jumyspen qamtýǵa járdemdesý jáne otbasylardy ómirlik qiyn jaǵdaidan shyǵarý, memleket pen kómek alýshylardyń ózara mindettemelerin qoldaný boiynsha belsendi sharalardyń arqasynda olardyń sany byltyr shamamen 600 myń adamdy qurady.
Jaqypova Otbasynyń tsifrlyq kartasyn paidalanyp, memlekettik jáne memlekettik emes uiymdardyń júielerimen integratsiialaý arqyly ataýly áleýmettik kómekti tolyǵymen transformatsiialaý josparlanyp otyrǵanyn atap ótti.
"Bul qarajattyń maqsatty paidalanylýyn qamtamasyz etý maqsatynda áleýetti kómek alýshylardy, biýdjettiń shyǵys bóligin aiqyndaýǵa múmkindik beredi. Kómekke muqtaj otbasylarǵa keshendi qoldaý kórsetýdiń naqty reglamenti ázirlenedi", – dedi Jaqypova eńbek ministrliginiń keńeitilgen alqa otyrysynda.
Onyń aitýynsha, AÁK transformatsiiasynyń barlyq protsesinde adam faktoryn boldyrmaý úshin tsifrlandyrý negizgi komponent bolady.
2023 jyly 114,1 myń otbasyndaǵy 598,4 myń adamǵa ataýly áleýmettik kómek taǵaiyndaldy. Osy maqsatqa biýdjetten 57,4 mlrd teńge jumsalǵan.
