Atasynyń júrisin qaitalaityn 2 jasar balanyń videosy TikTok-ta trendter qataryna endi, - dep habarlaidy Massaget.kz portaly TengriMIX portalyna silteme jasap.
Lázzat Tólesheva TikTok-paraqshasynda atasynyń júrisin qaitalaǵan sábidiń videosyn jariialaǵan. Rolikti onyń qyzy túsirgen.
"Men Atyraýda turamyn, al olar Almatyda turady. Meniń atym - Lázzat, men Beksultannyń naǵashy ájesimin. Atasynyń aty - Tursyn, ol 81 jasta. Bala atasyn erekshe jaqsy kóredi. Olar sol kúni ústelde otyrǵan. Keiin atasy turyp, basqa bólmege ketken, al Beksultan onyń sońynan erip, júrisin qaitalai bastaǵan. Osy sátte balanyń anasy ony telefonǵa túsirip úlgergen. Osylaisha kúlkili video paida boldy", - dedi Lázzat.
Qazaqstandyqtardy tańǵaldyrǵan rolik áleýmettik jelide keń tarap, milliondaǵan qaralym jinaǵan, sondai-aq, videoǵa myńdaǵan pikir jazylǵan.
"Video mamyrda túsirildi. Ol kóp qaralym jinai bastaǵan kezde biz tańǵaldyq. Adamdar jaǵymdy pikirler jazǵan. Barlyǵyna raqmet. Olar videony saqtap alyp, bir-birine jibere bastaǵan. Atasy men nemeresine uzaq ómir tileimiz! Qazir 11 myńnan asa oqyrman men 9 millionǵa jýyq qaralym jinaldy", - deidi Lázzat.
