Indýstriia jáne infraqurylymdyq damý ministri Beibit Atamqulov áýe baǵdarlardy sýbsidiialaýǵa qatysty túsinik berdi, dep habarlaidy "Ult aqparat".
«2020 jylǵa shyǵystar biraz ósip jatyr, 5 mlrd 900 million teńgege deiin. 2018 jyly bul baǵdarlama bastalǵanda 2 mlrd 100 mln teńge bólingen, iaǵni bul qarjy 14 ishki áýe baǵyttaryna arnaldy», - dedi B. Atamqulov Májilistiń jalpy otyrysynda.
Belgili bolǵandai, búginde 14 ishki áýe baǵdary, sondai-aq «Nur-Sultan – Tokio» baǵytyndaǵy halyqaralyq baǵdary sýbsidiialanýda.
Ministrdiń sózine qaraǵanda, 2019 jyly janar-jaǵarmai baǵasynyń ósýimen 2,7 mlrd teńge kóleminde boldy. 2019 jyldyń ortasynda «Nur-Cultan-Tokio» boiynsha taǵy bir áýe baǵdary qosyldy (sýbsidiialaýǵa). «Osy baǵdarǵa jarty jylǵa sýbsidiia 1 mlrd 500 mln teńge kóleminde qarastyryldy. Kelesi jyly tolyq shyǵys 2 mlrd 900 mln teńge bolyp tur. Osy oraida naqty nátije kórýimiz kerek. Búgingi kúni el turǵyndaryna áýe biletteri boiynsha jeńildikter berip otyrmyz. Kelesi jyly bes áýe baǵyty ózin-ózi aqtaý deńgeiine shyǵady, iaǵni 80 paiyz shamasynda bolady. 2020 jyldyń nátijesimen biz sýbsidiiany azaita bastaimyz. 2021 jylǵy biýdjettik josparda sýbsidiiaǵa shyǵaratyn qarjyny eki milliardqa deiin tómendetýdi kózdep otyrmyz», - dedi ministr.
