يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ ەۋە باعدارلاردى سۋبسيدييالاۋعا قاتىستى تٷسٸنٸك بەردٸ, دەپ حابارلايدى "ۇلت اقپارات".
«2020 جىلعا شىعىستار بٸراز ٶسٸپ جاتىر, 5 ملرد 900 ميلليون تەڭگەگە دەيٸن. 2018 جىلى بۇل باعدارلاما باستالعاندا 2 ملرد 100 ملن تەڭگە بٶلٸنگەن, ياعني بۇل قارجى 14 ٸشكٸ ەۋە باعىتتارىنا ارنالدى», - دەدٸ ب. اتامقۇلوۆ مەجٸلٸستٸڭ جالپى وتىرىسىندا.
بەلگٸلٸ بولعانداي, بٷگٸندە 14 ٸشكٸ ەۋە باعدارى, سونداي-اق «نۇر-سۇلتان – توكيو» باعىتىنداعى حالىقارالىق باعدارى سۋبسيدييالانۋدا.
مينيستردٸڭ سٶزٸنە قاراعاندا, 2019 جىلى جانار-جاعارماي باعاسىنىڭ ٶسۋٸمەن 2,7 ملرد تەڭگە كٶلەمٸندە بولدى. 2019 جىلدىڭ ورتاسىندا «نۇر-Cۇلتان-توكيو» بويىنشا تاعى بٸر ەۋە باعدارى قوسىلدى (سۋبسيدييالاۋعا). «وسى باعدارعا جارتى جىلعا سۋبسيدييا 1 ملرد 500 ملن تەڭگە كٶلەمٸندە قاراستىرىلدى. كەلەسٸ جىلى تولىق شىعىس 2 ملرد 900 ملن تەڭگە بولىپ تۇر. وسى ورايدا ناقتى نەتيجە كٶرۋٸمٸز كەرەك. بٷگٸنگٸ كٷنٸ ەل تۇرعىندارىنا ەۋە بيلەتتەرٸ بويىنشا جەڭٸلدٸكتەر بەرٸپ وتىرمىز. كەلەسٸ جىلى بەس ەۋە باعىتى ٶزٸن-ٶزٸ اقتاۋ دەڭگەيٸنە شىعادى, ياعني 80 پايىز شاماسىندا بولادى. 2020 جىلدىڭ نەتيجەسٸمەن بٸز سۋبسيدييانى ازايتا باستايمىز. 2021 جىلعى بيۋدجەتتٸك جوسپاردا سۋبسيديياعا شىعاراتىن قارجىنى ەكٸ ميللياردقا دەيٸن تٶمەندەتۋدٸ كٶزدەپ وتىرمىز», - دەدٸ مينيستر.
