«Atameken» ulttyq kásipkerler palatasy týristik salada sanitarlyq talaptardyń saqtalýy boiynsha biznes, bilik pen halyqtyń jaýapkershiligin naqty bekitýdi usyndy, dep habarlaidy QazAqparat.
«Biz sanitarlyq talaptardyń saqtalýy boiynsha biznes, bilik pen halyqtyń jaýapkershiligin naqty bekitýdi usynamyz. Iaǵni eger qoǵamdyq aýmaqta indet shyqsa dáriger bekitken sanitarlyq normalardy jaýapkershilikpen oryndap júrgen biznes sýbektisi zardap shekpeýi kerek», - dedi «Atameken» ulttyq kásipkerler palatasy basqarma tóraǵasynyń orynbasary Iýliia Iakýpbaeva týristik sala máseleleri boiynsha ótkizilgen onlain baspasóz máslihatynda.
Onyń aitýynsha qazirgi tańda mundai tájiribe Aqmola oblysynda iske asyrylyp jatyr.
«Aqmola oblysynda biz bul baǵytta jumysty bastap ta kettik. Qoǵamdyq jaǵajailar jabylǵanymen, biznes sýbektilerine qarasty jaǵajailar jumysyn jalǵastyryp jatyr. Olar turaqty monitoring baqylaýynda. Iaǵni eger normalardyń bári de saqtalyp tursa bolǵany. Jalpy bul tájiribeni jaǵajai boiynsha ǵana emes, barlyq salada iske jaratýǵa bolady. Biz bul máseleni buryn da qaýzadyq. Áitse de bul jumys tek Aqmola oblysynda iske asyryldy», - dedi Iýliia Iakýpbaeva.
