«اتامەكەن» ۇلتتىق كەسٸپكەرلەر پالاتاسى تۋريستٸك سالادا سانيتارلىق تالاپتاردىڭ ساقتالۋى بويىنشا بيزنەس, بيلٸك پەن حالىقتىڭ جاۋاپكەرشٸلٸگٸن ناقتى بەكٸتۋدٸ ۇسىندى, دەپ حابارلايدى قازاقپارات.
«بٸز سانيتارلىق تالاپتاردىڭ ساقتالۋى بويىنشا بيزنەس, بيلٸك پەن حالىقتىڭ جاۋاپكەرشٸلٸگٸن ناقتى بەكٸتۋدٸ ۇسىنامىز. ياعني ەگەر قوعامدىق اۋماقتا ٸندەت شىقسا دەرٸگەر بەكٸتكەن سانيتارلىق نورمالاردى جاۋاپكەرشٸلٸكپەن ورىنداپ جٷرگەن بيزنەس سۋبەكتٸسٸ زارداپ شەكپەۋٸ كەرەك», - دەدٸ «اتامەكەن» ۇلتتىق كەسٸپكەرلەر پالاتاسى باسقارما تٶراعاسىنىڭ ورىنباسارى يۋلييا ياكۋپباەۆا تۋريستٸك سالا مەسەلەلەرٸ بويىنشا ٶتكٸزٸلگەن ونلاين باسپاسٶز مەسليحاتىندا.
ونىڭ ايتۋىنشا قازٸرگٸ تاڭدا مۇنداي تەجٸريبە اقمولا وبلىسىندا ٸسكە اسىرىلىپ جاتىر.
«اقمولا وبلىسىندا بٸز بۇل باعىتتا جۇمىستى باستاپ تا كەتتٸك. قوعامدىق جاعاجايلار جابىلعانىمەن, بيزنەس سۋبەكتٸلەرٸنە قاراستى جاعاجايلار جۇمىسىن جالعاستىرىپ جاتىر. ولار تۇراقتى مونيتورينگ باقىلاۋىندا. ياعني ەگەر نورمالاردىڭ بەرٸ دە ساقتالىپ تۇرسا بولعانى. جالپى بۇل تەجٸريبەنٸ جاعاجاي بويىنشا عانا ەمەس, بارلىق سالادا ٸسكە جاراتۋعا بولادى. بٸز بۇل مەسەلەنٸ بۇرىن دا قاۋزادىق. ەيتسە دە بۇل جۇمىس تەك اقمولا وبلىسىندا ٸسكە اسىرىلدى», - دەدٸ يۋلييا ياكۋپباەۆا.
