«Atameken» Ulttyq kásipkerler palatasy qyzmetine fýnktsionaldyq taldaý júrgizildi. Bul týraly Úkimet otyrysynda QR Ulttyq ekonomika ministri Álibek Qýantyrov aitty, dep habarlaidy QazAqparat.
«Atameken» Ulttyq kásipkerler palatasy qyzmetin reformalaý boiynsha palata qyzmetine fýnktsionaldyq taldaý júrgizý josparlanýda. Osy jumystyń qorytyndysy boiynsha ulttyq palata qyzmeti shaǵyn jáne orta biznesti qoldaýǵa, qorǵaýǵa jáne damytýǵa qaita baǵdarlanatyn bolady», - dedi Álibek Qýantyrov.
Ministrdiń atap ótýinshe, ol úshin Ulttyq kásipkerler palatasy qyzmeti máseleleri boiynsha zańnamaǵa tiisti túzetýler ázirlenedi.
«Bul kúshti jáne básekege qabiletti shaǵyn jáne orta biznesti qalyptastyrýda qosymsha institýtsionaldyq quralǵa ainalady», - dedi ol.
