Qyrǵyzstan prezidenti Almazbek Atambaev baspasóz konferentsiiasynda sóilep otyr. Bishkek, 1 jeltoqsan 2016 jyl.
Qyrǵyzstan prezidenti Almazbek Atambaev reseilik áskeriler Qyrǵyzstandaǵy áskeri bazadan jaqyn keleshekte ketýi tiis dep málimdedi. Bishkekte ótken jyl saiynǵy baspasóz konferentsiiasynda Atambaev Qyrǵyzstan el aýmaǵyndaǵy sheteldik áskeri bazalarǵa emes, óziniń qarýly kúshterine ǵana senýi qajetin aitty.
Qyrǵyzstan men Resei 2012 jyly Reseidiń Bishkek túbindegi Qant áýe bazasyn jalǵa alý merzimin 2013 jyldan bastap 15 jylǵa uzartý týraly kelisim jasasqan. Qyrǵyzstannyń burynǵy basshylyǵy qol qoiǵan ol kelisimge sai áýe bazasyn jalǵa alý merzimi burynǵy merzimdi qosa alǵanda 49 jylǵa uzartylǵan.
Atambaev sonymen birge 2014 jyly Bishkektiń Manas halyqaralyq áýejaiyndaǵy amerikalyq tranzittik áskeri nysanyn jabýdyń "durys sheshim bolǵanyn" da málimdedi.
