قىرعىزستان پرەزيدەنتٸ المازبەك اتامباەۆ باسپاسٶز كونفەرەنتسيياسىندا سٶيلەپ وتىر. بٸشكەك, 1 جەلتوقسان 2016 جىل.
قىرعىزستان پرەزيدەنتٸ المازبەك اتامباەۆ رەسەيلٸك ەسكەريلەر قىرعىزستانداعى ەسكەري بازادان جاقىن كەلەشەكتە كەتۋٸ تيٸس دەپ مەلٸمدەدٸ. بٸشكەكتە ٶتكەن جىل سايىنعى باسپاسٶز كونفەرەنتسيياسىندا اتامباەۆ قىرعىزستان ەل اۋماعىنداعى شەتەلدٸك ەسكەري بازالارعا ەمەس, ٶزٸنٸڭ قارۋلى كٷشتەرٸنە عانا سەنۋٸ قاجەتٸن ايتتى.
قىرعىزستان مەن رەسەي 2012 جىلى رەسەيدٸڭ بٸشكەك تٷبٸندەگٸ قانت ەۋە بازاسىن جالعا الۋ مەرزٸمٸن 2013 جىلدان باستاپ 15 جىلعا ۇزارتۋ تۋرالى كەلٸسٸم جاساسقان. قىرعىزستاننىڭ بۇرىنعى باسشىلىعى قول قويعان ول كەلٸسٸمگە ساي ەۋە بازاسىن جالعا الۋ مەرزٸمٸ بۇرىنعى مەرزٸمدٸ قوسا العاندا 49 جىلعا ۇزارتىلعان.
اتامباەۆ سونىمەن بٸرگە 2014 جىلى بٸشكەكتٸڭ ماناس حالىقارالىق ەۋەجايىنداعى امەريكالىق ترانزيتتٸك ەسكەري نىسانىن جابۋدىڭ "دۇرىس شەشٸم بولعانىن" دا مەلٸمدەدٸ.
