Qyrǵyzstannyń qazirgi prezidenti Almazbek Atambaev qyzmetinen ketken soń nemen ainalysatynyn aityp berdi, - dep habarlaidy kaz.tengrinews.kz.
Atambaev sailaý ýchaskesinde jýrnalisterdiń suraqtaryna jaýap berdi. Atambaev keiin de shyǵarmashylyqpen ainalysatynyn aityp ótti.
"Shyǵarmashylyq pen saiasatty birge alyp júrýge bolady. Sizder qoryqpańyzdar, men prezident nemese premer-ministr bolaiyn dep jatqan joqpyn. Osyǵan deiin de 30 jyl boiy saiasatpen ainalysqanmyn. Ol maǵan óleń jazýǵa ne proza jazýǵa, tipti án jazýǵa kedergi keltirgen joq", - dedi Atambaev.
"Men ózimniń birde-bir áreketimnen qoryqpaimyn. Qyrǵyzstanda qalamyn, árbir sózim úshin, árbir áreketim úshin jaýap beremin. Jasyratyn eshteńem joq. jasyrynbaimyn da. Halyq aldynda, Qudai aldynda jaýap berýge daiynmyn", - dedi Qyrǵyzstannyń qazirgi prezidenti Almazbek Atambaev.
Aita keteiik, búgin, 15 qazanda Qyrǵyzstanda prezident sailaýy ótip jatyr. Sailaýǵa 11 úmitker qatysyp otyr: Ernis Zarlykov, Toktoaiym Ýmetalieva, Temir Sariev, Ýlýkbek Kochkorov, Taalatbek Masadykov, Omýrbek Babanov, Arstanbek Abdyldaev, Azimbek Beknazarov, Sooronbai Jeenbekov, Adahan Madýmarov pen Arslanbek Maliev.
