قىرعىزستاننىڭ قازٸرگٸ پرەزيدەنتٸ المازبەك اتامباەۆ قىزمەتٸنەن كەتكەن سوڭ نەمەن اينالىساتىنىن ايتىپ بەردٸ, - دەپ حابارلايدى kaz.tengrinews.kz.
اتامباەۆ سايلاۋ ۋچاسكەسٸندە جۋرناليستەردٸڭ سۇراقتارىنا جاۋاپ بەردٸ. اتامباەۆ كەيٸن دە شىعارماشىلىقپەن اينالىساتىنىن ايتىپ ٶتتٸ.
"شىعارماشىلىق پەن ساياساتتى بٸرگە الىپ جٷرۋگە بولادى. سٸزدەر قورىقپاڭىزدار, مەن پرەزيدەنت نەمەسە پرەمەر-مينيستر بولايىن دەپ جاتقان جوقپىن. وسىعان دەيٸن دە 30 جىل بويى ساياساتپەن اينالىسقانمىن. ول ماعان ٶلەڭ جازۋعا نە پروزا جازۋعا, تٸپتٸ ەن جازۋعا كەدەرگٸ كەلتٸرگەن جوق", - دەدٸ اتامباەۆ.
"مەن ٶزٸمنٸڭ بٸردە-بٸر ەرەكەتٸمنەن قورىقپايمىن. قىرعىزستاندا قالامىن, ەربٸر سٶزٸم ٷشٸن, ەربٸر ەرەكەتٸم ٷشٸن جاۋاپ بەرەمٸن. جاسىراتىن ەشتەڭەم جوق. جاسىرىنبايمىن دا. حالىق الدىندا, قۇداي الدىندا جاۋاپ بەرۋگە دايىنمىن", - دەدٸ قىرعىزستاننىڭ قازٸرگٸ پرەزيدەنتٸ المازبەك اتامباەۆ.
ايتا كەتەيٸك, بٷگٸن, 15 قازاندا قىرعىزستاندا پرەزيدەنت سايلاۋى ٶتٸپ جاتىر. سايلاۋعا 11 ٷمٸتكەر قاتىسىپ وتىر: ەرنيس زارلىكوۆ, توكتوايىم ۋمەتاليەۆا, تەمير ساريەۆ, ۋلۋكبەك كوچكوروۆ, تاالاتبەك ماسادىكوۆ, ومۋربەك بابانوۆ, ارستانبەك ابدىلداەۆ, ازيمبەك بەكنازاروۆ, سوورونباي جەەنبەكوۆ, اداحان مادۋماروۆ پەن ارسلانبەك ماليەۆ.
