Qyrǵyzstan prezidenti Almazbek Atambaev 18 qazanda "Ala-Archa" memlekettik rezidentsiiasynda qyrǵyz-qazaq shekarasyndaǵy jaǵdai boiynsha pikir bildirdi, - dep habarlaidy AKIpress.
Qyrǵyz eliniń basshysy ónimin basqa elder arqyly da, mysaly Qytai, Ózbekstan, Tájikstan arqyly sata alatynyn atap ótti. Sonymen birge, ol tatý kórshilik qatynastardyń da mańyzyna toqtaldy.
"Qazaqstan prezidenti jaily emotsiiamen aitqanym teris boldy-aý. Osy kúndi bul másele jaily oilandym. Qazaqstan Prezident ainalasyndaǵylarǵa senedi, al ainalasyndaǵylar - oligarhtar. Ol da men siiaqty sengish adam shyǵar", - dep málimdedi Atambaev.
Onyń aitýynsha, "Qazaqstandaǵy oligarhtar Nazarbaevtan keiin ne bolatynyn jáne óz aqshasyn qalai saqtap qalýdy ǵana" oilaidy. "Men árdaiym kórshilermen aǵaiyndy retinde qarym-qatynas bolǵanyn qalaimyn. Barlyq kórshimizben tatý ómir súrýimiz kerek. Keide biz tózimdilik tanytýymyz kerek shyǵar, biraq táýelsizdigimizdi árdaiym qorǵaýymyz kerek", - dedi ol.
Qyrǵyzstan prezidentiniń mundai málimdemesin "keshirim surady" dep túsinýge bola ma jáne nelikten endi ǵana mundai sóz aitylyp otyr? Bul suraqtardyń jaýabyn bilý úshin Tengrinews.kz tilshisi QR Tuńǵysh Prezidenti Qory janyndaǵy Álemdik ekonomika jáne saiasat institýty syrtqy saiasat boiynsha jobalardy uiymdastyrýshy Asqar Nurshanyń pikirin surap bildi.
"Qyrǵyzstannyń prezidenttikten ketip jatqan basshysy bizdiń qarym-qatynasymyzdaǵy jaǵdaiǵa jaýapkershiliktiń basym úlesin alady. Onyń ishinde, ol Qyrǵyzstannyń ózinde de qoǵamdyq pikir qysymyn sezgen shyǵar, sebebi qyrǵyz ekonomikasy belgili bir qiyndyqtarǵa tap boldy", - deidi Nursha.
Saiasattanýshy Atambaevtyń bul jaǵdaida máseleni sheshýge talpynǵanyn, biraq bul talpynystyń áli de senim uialatpaitynyn aitady.
"Ishinara keshirim surasa da, ol jaýapkershilikti áli de Qazaqstanǵa, Prezidenttiń ainalasyna artyp qoimaqshy, osymen qatar ol qyrǵyz-qazaq shekarasymen qatar basqa da elderdiń baryn. solar aoqyly qyrǵyz taýaryn shyǵarýǵa bolatynyn aityp otyr. "Keshir, ashýǵa berildim, biraq negizinde sen óziń soǵan sebep boldyń, men odan arandap qaldym" degenei bolyp otyr. Munda Babanovmen kezdesý týraly aitylyp otyrǵan siiaqty. Menińshe, Atambaev durys qadam jasady, alaida bul áli de kishigirim qadam", - dep qorytty oiyn saiasattanýshy.
Eske salaiyq, qazan aiynyń basynda, Qyrǵyzstandaǵy sailaý qarsańynda birqatar qyrǵyz BAQ-tarynda Qyrǵyzstan prezidenti Almazbek Atambaevtyń memlekettik syilyqtardy tapsyrý rásiminde Qyrǵyzstanǵa "qazaqstandyq bilik tańyp otyrǵan" jetekshiler jaily pikir bildirgeni jazylǵan edi.
Al keiin QR SIM Qyrǵyzstan prezidenti Almazbek Atambaevtyń aitqan sózine bailanysty málimdeme jasaǵan edi. Baqytjan Saǵyntaev Atambaevtyń pikirine qatysty arnaiy málimdeme jasady
