قىرعىزستان پرەزيدەنتٸ المازبەك اتامباەۆ 18 قازاندا "الا-ارچا" مەملەكەتتٸك رەزيدەنتسيياسىندا قىرعىز-قازاق شەكاراسىنداعى جاعداي بويىنشا پٸكٸر بٸلدٸردٸ, - دەپ حابارلايدى اكيpress.
قىرعىز ەلٸنٸڭ باسشىسى ٶنٸمٸن باسقا ەلدەر ارقىلى دا, مىسالى قىتاي, ٶزبەكستان, تەجٸكستان ارقىلى ساتا الاتىنىن اتاپ ٶتتٸ. سونىمەن بٸرگە, ول تاتۋ كٶرشٸلٸك قاتىناستاردىڭ دا ماڭىزىنا توقتالدى.
"قازاقستان پرەزيدەنتٸ جايلى ەموتسييامەن ايتقانىم تەرٸس بولدى-اۋ. وسى كٷندٸ بۇل مەسەلە جايلى ويلاندىم. قازاقستان پرەزيدەنت اينالاسىنداعىلارعا سەنەدٸ, ال اينالاسىنداعىلار - وليگارحتار. ول دا مەن سيياقتى سەنگٸش ادام شىعار", - دەپ مەلٸمدەدٸ اتامباەۆ.
ونىڭ ايتۋىنشا, "قازاقستانداعى وليگارحتار نازارباەۆتان كەيٸن نە بولاتىنىن جەنە ٶز اقشاسىن قالاي ساقتاپ قالۋدى عانا" ويلايدى. "مەن ەردايىم كٶرشٸلەرمەن اعايىندى رەتٸندە قارىم-قاتىناس بولعانىن قالايمىن. بارلىق كٶرشٸمٸزبەن تاتۋ ٶمٸر سٷرۋٸمٸز كەرەك. كەيدە بٸز تٶزٸمدٸلٸك تانىتۋىمىز كەرەك شىعار, بٸراق تەۋەلسٸزدٸگٸمٸزدٸ ەردايىم قورعاۋىمىز كەرەك", - دەدٸ ول.
قىرعىزستان پرەزيدەنتٸنٸڭ مۇنداي مەلٸمدەمەسٸن "كەشٸرٸم سۇرادى" دەپ تٷسٸنۋگە بولا ما جەنە نەلٸكتەن ەندٸ عانا مۇنداي سٶز ايتىلىپ وتىر? بۇل سۇراقتاردىڭ جاۋابىن بٸلۋ ٷشٸن Tengrinews.kz تٸلشٸسٸ قر تۇڭعىش پرەزيدەنتٸ قورى جانىنداعى ەلەمدٸك ەكونوميكا جەنە ساياسات ينستيتۋتى سىرتقى ساياسات بويىنشا جوبالاردى ۇيىمداستىرۋشى اسقار نۇرشانىڭ پٸكٸرٸن سۇراپ بٸلدٸ.
"قىرعىزستاننىڭ پرەزيدەنتتٸكتەن كەتٸپ جاتقان باسشىسى بٸزدٸڭ قارىم-قاتىناسىمىزداعى جاعدايعا جاۋاپكەرشٸلٸكتٸڭ باسىم ٷلەسٸن الادى. ونىڭ ٸشٸندە, ول قىرعىزستاننىڭ ٶزٸندە دە قوعامدىق پٸكٸر قىسىمىن سەزگەن شىعار, سەبەبٸ قىرعىز ەكونوميكاسى بەلگٸلٸ بٸر قيىندىقتارعا تاپ بولدى", - دەيدٸ نۇرشا.
ساياساتتانۋشى اتامباەۆتىڭ بۇل جاعدايدا مەسەلەنٸ شەشۋگە تالپىنعانىن, بٸراق بۇل تالپىنىستىڭ ەلٸ دە سەنٸم ۇيالاتپايتىنىن ايتادى.
"ٸشٸنارا كەشٸرٸم سۇراسا دا, ول جاۋاپكەرشٸلٸكتٸ ەلٸ دە قازاقستانعا, پرەزيدەنتتٸڭ اينالاسىنا ارتىپ قويماقشى, وسىمەن قاتار ول قىرعىز-قازاق شەكاراسىمەن قاتار باسقا دا ەلدەردٸڭ بارىن. سولار اوقىلى قىرعىز تاۋارىن شىعارۋعا بولاتىنىن ايتىپ وتىر. "كەشٸر, اشۋعا بەرٸلدٸم, بٸراق نەگٸزٸندە سەن ٶزٸڭ سوعان سەبەپ بولدىڭ, مەن ودان ارانداپ قالدىم" دەگەنەي بولىپ وتىر. مۇندا بابانوۆمەن كەزدەسۋ تۋرالى ايتىلىپ وتىرعان سيياقتى. مەنٸڭشە, اتامباەۆ دۇرىس قادام جاسادى, الايدا بۇل ەلٸ دە كٸشٸگٸرٸم قادام", - دەپ قورىتتى ويىن ساياساتتانۋشى.
ەسكە سالايىق, قازان ايىنىڭ باسىندا, قىرعىزستانداعى سايلاۋ قارساڭىندا بٸرقاتار قىرعىز باق-تارىندا قىرعىزستان پرەزيدەنتٸ المازبەك اتامباەۆتىڭ مەملەكەتتٸك سىيلىقتاردى تاپسىرۋ رەسٸمٸندە قىرعىزستانعا "قازاقستاندىق بيلٸك تاڭىپ وتىرعان" جەتەكشٸلەر جايلى پٸكٸر بٸلدٸرگەنٸ جازىلعان ەدٸ.
ال كەيٸن قر سٸم قىرعىزستان پرەزيدەنتٸ المازبەك اتامباەۆتىڭ ايتقان سٶزٸنە بايلانىستى مەلٸمدەمە جاساعان ەدٸ. باقىتجان ساعىنتاەۆ اتامباەۆتىڭ پٸكٸرٸنە قاتىستى ارنايى مەلٸمدەمە جاسادى
