Qyrǵyzstan prezident sailaýyna túsip jatqan kandidat Omýrbek Babanov sailaý kezinde bolǵan zań buzý oqiǵalary jóninde málimdeme jasady. Ol sailaý ádil ári ashyq ótti dep sanamaitynyn aitty.
Babanov «Kandidattyǵymdy usynbai turyp prezidentpen aqyldasqan edim. Ol batasyn berip, "Iá, prezident sailaýyna tús. Biz óz kandidatymyzdy usynamyz, sen de qatys. Jeńgen adam prezident bolsyn" degen. Kýáler bar. Ol sailaý ádil ótedi degen ýáde bergen. Biraq teń jaǵdai jasalmady. Keiingi aptada Almazbek Sharshenovich Atambaevqa aqparatty durys bermegen. Qyrǵyzstannyń ulttyq qaýipsizdik komiteti men militsiia ony jalǵan aqparatpen adastyryp otyr. Men onyń búgingi sózderine qatty qapa boldym» dedi.
Qyrǵyzstanda búgin prezident sailaýy ótip jatyr.
Prezident Almazbek Atambaev sailaý ýchaskesinde daýys berip shyqqannan keiin jýrnalister saýaldaryna jaýap berdi. Ol «Týra bir jarym ai buryn Babanovtyń maǵan kúie jaǵa bastaǵanyn baiqadym. Meni "aǵa" dep júretin Babanov. Babanovtai meni maqtaǵan adamdy kórmedim. Sizdiń jolyńyzdy men ǵana jalǵastyram dep júretin Babanov aiaqastynan "olar basqa jolmen ketip barady" dep qalypty. Ol ol ma, ashyq aitaiyn, maǵan Babanovtyń atynan bir oligarh kelip 20 million dollar usyndy. Men oǵan, qymbattym, satylmaityn zattar bar dedim» dedi.
