Ata zańǵa engiziletin ózgerister men tolyqtyrýlar jobasy jariialandy

Ult portaly «Qazaqstan Respýblikasynyń Konstitýtsiiasyna ózgerister men tolyqtyrýlar engizý týraly» Zańnyń jobasyn usynady.

***

JOBA

«Qazaqstan Respýblikasynyń Konstitýtsiiasyna ózgerister men tolyqtyrýlar engizý týraly» Qazaqstan Respýblikasynyń Zańy

1-bap. 1995 jylǵy 30 tamyzda respýblikalyq referendýmda qabyldanǵan Qazaqstan Respýblikasynyń Konstitýtsiiasyna mynadai ózgerister men tolyqtyrýlar engizilsin:

1. 4-baptyń 1- tarmaǵyndaǵy «Keńesiniń» degen sóz «Sotynyń» degen sózben aýystyrylsyn.
2. 6-baptyń 3-tarmaǵy mynadai redaktsiiada jazylsyn:

«3. Jer jáne onyń qoinaýy, sý kózderi, ósimdikter men janýarlar dúniesi, basqa da tabiǵi resýrstar halyqqa tiesili. Halyq atynan menshik quqyǵyn memleket júzege asyrady. Jer, sondai-aq zańda belgilengen negizderde, sharttar men shekterde jeke menshikte de bolýy múmkin.».

3. 15-baptyń 2-tarmaǵy mynadai redaktsiiada jazylsyn:

«2. Eshkimniń óz betinshe adam ómirin qiiýǵa haqysy joq. Ólim jazasyna tyiym salynady.».

4. 23-baptyń 2-tarmaǵy mynadai redaktsiiada jazylsyn:

«2. Respýblika Konstitýtsiialyq Sotynyń, Joǵarǵy Sotynyń jáne ózge de sottarynyń tóraǵalary men 
sýdialary, Ortalyq sailaý komissiiasynyń, Joǵary aýditorlyq palatasynyń tóraǵalary men músheleri, áskeri qyzmetshiler, ulttyq qaýipsizdik organdarynyń, quqyq qorǵaý organdarynyń qyzmetkerleri saiasi partiialarda, kásiptik odaqtarda bolmaýǵa, qandai da bir saiasi partiiany qoldap sóilemeýge tiis.».

5. 24-baptyń 1-tarmaǵy mynadai redaktsiiada jazylsyn:

«1. Árkimniń eńbek etý bostandyǵyna, qyzmet pen kásip túrin erkin tańdaýyna quqyǵy bar. Eriksiz eńbekke qylmystyq nemese ákimshilik quqyq buzýshylyq jasaýǵa kináli dep taný týraly sot aktisiniń negizinde ne tótenshe jaǵdaida nemese soǵys jaǵdaiynda ǵana jol beriledi.».

6. 42-bapta:

1) 2-tarmaq mynadai redaktsiiada jazylsyn:

«2. Ant berý qańtardyń ekinshi sársenbisinde saltanatty jaǵdaida Parlament depýtattarynyń, Konstitýtsiialyq Sot, Joǵarǵy Sot sýdialarynyń, sondai-aq Respýblikanyń eks-Prezidentteriniń qatysýymen ótkiziledi. Konstitýtsiianyń 48-babynda kózdelgen jaǵdaida Qazaqstan Respýblikasy Prezidentiniń ókilettigin ózine qabyldaǵan adam Respýblika Prezidentiniń ókilettigin qabyldaǵan kúninen bastap bir ai ishinde ant beredi.»;

2) 5-tarmaqtyń ekinshi bóligi alyp tastalsyn.

7. 43-bap mynadai mazmundaǵy 3 jáne 4-tarmaqtarmen tolyqtyrylsyn:

«3. Qazaqstan Respýblikasynyń Prezidenti óz ókilettikterin júzege asyrý kezeńinde saiasi partiiada bolmaýǵa tiis.

4. Qazaqstan Respýblikasy Prezidentiniń jaqyn týystary memlekettik saiasi qyzmetshilerdiń, kvazimemlekettik sektor sýbektileri basshylarynyń qyzmetterin atqarýǵa haqysy joq.».
5. 44-bapta:

1) 2) tarmaqshadaǵy «Parlament Senaty» degen sózder «Parlament» degen sózben aýystyrylsyn;

2) 3) tarmaqshadaǵy «oblystar, respýblikalyq mańyzy bar qalalar men astana ákimderi aktileriniń kúshin joiady ne qoldanylýyn tolyq nemese ishinara toqtata turady;» degen sózder alyp tastalsyn;

3) 4) tarmaqsha mynadai redaktsiiada jazylsyn:

«4) Parlament Senatynyń kelisimimen Qazaqstan Respýblikasy Konstitýtsiialyq Sotynyń Tóraǵasyn, Ulttyq Bankiniń Tóraǵasyn, Joǵary Sot Keńesiniń Tóraǵasyn, Bas Prokýroryn jáne Ulttyq qaýipsizdik komitetiniń Tóraǵasyn qyzmetke taǵaiyndaidy; olardy qyzmetten bosatady;»;

4) 7) tarmaqshadaǵy «Respýblikalyq biýdjettiń atqarylýyn baqylaý jónindegi esep komitetiniń» degen sózder «Joǵary aýditorlyq palatanyń» degen sózdermen aýystyrylsyn;

5) 10-1) tarmaqshadaǵy «Keńeske» degen sóz «Sotqa» degen sózben aýystyrylsyn;

6) 19) tarmaqshadaǵy «Hatshysyn» degen sóz «keńesshisin» degen sózben aýystyrylsyn.

9. 46-baptyń 4-tarmaǵy alyp tastalsyn.
10. 47-bapta:

1) 1-tarmaqtaǵy «Keńes» degen sóz «Sot» degen sózben aýystyrylsyn;

2) 2-tarmaqtaǵy «Keńestiń» degen sóz «Sottyń» degen sózben aýystyrylsyn.

11. 50-bapta:

1) 2-tarmaqtyń ekinshi sóilemi mynadai redaktsiia­da jazylsyn:

«Senattyń on depýtatyn, onyń ishinde beseýin Qazaqstan halqy Assambleiasynyń usynysy boiynsha Respýblika Prezidenti taǵaiyndaidy.»;

2) 3-tarmaq mynadai redaktsiiada jazylsyn:

«3. Májilis konstitýtsiialyq zańda belgilengen tártippen aralas sailaý júiesi boiynsha: birtutas jalpyulttyq sailaý okrýginiń aýmaǵy boiynsha proportsionaldy ókildik etý júiesi boiynsha, sondai-aq birmandattyq aýmaqtyq sailaý okrýgteri boiynsha sailanatyn toqsan segiz depýtattan turady.».

12. 51-baptyń 1-tarmaǵy mynadai redaktsiiada jazylsyn:

«1. Májilistiń depýtattaryn sailaý jalpyǵa birdei, teń jáne tóte sailaý quqyǵy negizinde jasyryn daýys berý arqyly júzege asyrylady. Májilis depýtattarynyń kezekti sailaýy Parlamenttiń jumys istep turǵan sailanymy ókilettiginiń merzimi aiaqtalardan keminde eki ai buryn ótkiziledi.».

13. 52-baptyń 5-tarmaǵynyń úshinshi bóligi mynadai redaktsiiada jazylsyn:

«Parlament Májilisiniń depýtaty:

1) depýtat konstitýtsiialyq zańǵa sáikes partiialyq tizim negizinde ózin sailaǵan saiasi partiiadan shyqqan nemese shyǵarylǵan;

2) konstitýtsiialyq zańǵa sáikes partiialyq tizim negizinde depýtatty sailaǵan saiasi partiia qyzmetin toqtatqan;

3) bir mandattyq aýmaqtyq sailaý okrýgi bo­iynsha sailanǵan depýtatty konstitýtsiialyq zańda aiqyndalatyn tártippen sailaýshylar keri shaqyryp alǵan kezde óz mandatynan aiyrylady.».

14. 53-bapta:

1) mynadai mazmundaǵy 1-1) jáne 1-2) tarmaqshalarmen tolyqtyrylsyn:

«1-1) konstitýtsiialyq zańdardy qabyldaidy;

1-2) Respýblika Prezidentiniń qarsylyǵyn týǵyz­ǵan konstitýtsiialyq zańdar nemese konstitýtsiialyq zańnyń baptary boiynsha qarsylyqtar jiberilgen kúnnen bastap bir ai merzimde qaitalap talqylaý men daýysqa salýdy júrgizedi. Bul merzimniń saqtalmaýy Prezident qarsylyqtarynyń qabyldanǵanyn bildiredi. Eger Parlament árbir Palata depýtattarynyń jalpy sanynyń tórtten úshiniń kópshilik daýsymen Prezidenttiń qarsylyqtaryn eńserse, Prezident bir ai ishinde konstitýtsiialyq zańǵa qol qoiady. Eger Prezidenttiń qarsylyqtary eńserilmese, konstitýtsiialyq zań qabyldanbady nemese Prezident usynǵan redaktsiiada qabyldandy dep esepteledi;»;

2) 2) tarmaqshadaǵy «Respýblikalyq biýdjettiń atqarylýyn baqylaý jónindegi esep komitetiniń» degen sózder «Joǵary aýditorlyq palatanyń» degen sózdermen aýystyrylsyn;

3) 6) tarmaqshadaǵy «Keńestiń» degen sóz «Sottyń» degen sózben aýystyrylsyn.

15. 54-bapta:

1) 1-tarmaqtyń birinshi abzatsy mynadai redaktsiia­da jazylsyn:

«1. Parlament Palatalardyń bólek otyrysynda máselelerdi áýeli – Májiliste, al sodan keiin Senatta óz kezegimen qaraý arqyly zańdar qabyldaidy, onyń ishinde:»;

2) 2-tarmaqtyń 2) tarmaqshasy mynadai redaktsiia­da jazylsyn:

«2) Respýblika Prezidentiniń qarsylyǵyn týǵyzǵan zańdar nemese zańnyń baptary boiynsha qarsylyqtar jiberilgen kúnnen bastap bir ai merzimde qaitalap talqylaý men daýysqa salýdy júrgizedi. Bul merzimniń saqtalmaýy Prezident qarsylyqtarynyń qabyldanǵanyn bildiredi. Eger Májilis pen Senat árbir Palata depýtattarynyń jalpy sanynyń úshten ekisiniń kópshilik daýsymen Prezidenttiń qarsylyqtaryn eńserse, Prezident bir ai ishinde zańǵa qol qoiady. Eger Prezidenttiń qarsylyǵyn eń bolmasa Palatalardyń biri eńsermese, zań qabyldanbady nemese Prezident usynǵan redaktsiiada qabyldandy dep esepteledi;».

16. 55-bapta:

1) 2) tarmaqsha mynadai redaktsiiada jazylsyn:

«2) Respýblika Prezidentiniń Respýblika Konstitýtsiialyq Sotynyń Tóraǵasyn, Ulttyq Ban­kiniń Tóraǵasyn, Joǵary Sot Keńesiniń Tóra­ǵa­syn, Bas Prokýroryn, Ulttyq qaýipsizdik komi­tetiniń Tóraǵasyn taǵaiyndaýyna kelisim berý;»;

2) 3) tarmaqsha «sýdialaryn» degen sózden keiin «, Qazaqstan Respýblikasyndaǵy Adam quqyqtary jónindegi ýákildi» degen sózdermen tolyqtyrylsyn.

17. 56-baptyń 1-tarmaǵynda:

1) 1) tarmaqshadaǵy «jáne osy jobalardy qaraý» degen sózder alyp tastalsyn;

2) mynadai mazmundaǵy 3-1) tarmaqshamen tolyqtyrylsyn:

«3-1) Joǵary aýditorlyq palata Tóraǵasynyń esebin jylyna eki ret tyńdaý;».

18. 57-baptyń 1) tarmaqshasy mynadai redaktsiiada jazylsyn:

«1) Konstitýtsiialyq Sottyń úsh sýdiasyn qyzmetke taǵaiyndaidy; Ortalyq sailaý komissiiasynyń eki múshesin, Joǵary aýditorlyq palatanyń úsh múshesin bes jyl merzimge qyzmetke taǵaiyndaidy;».

19. 58-baptyń 3-tarmaǵynyń 7) tarmaqshasy mynadai redaktsiiada jazylsyn:

«7) Palatalarǵa Konstitýtsiialyq Sottyń sýdialary, Ortalyq sailaý komissiiasynyń, Joǵary aýditorlyq palatanyń músheleri qyzmetine taǵaiyndaý úshin kandidatýralar usynady;».

20. 61-bapta:

1) 2-tarmaq mynadai mazmundaǵy ekinshi bólikpen tolyqtyrylsyn:

«Halyqtyń ómiri men densaýlyǵyna, konsti­týtsiialyq qurylysqa, qoǵamdyq tártipti qorǵaýǵa, eldiń ekonomikalyq qaýipsizdigine qater tóndiretin jaǵdailarǵa jedel den qoiý maqsatynda Respýblika Úkimetiniń zań shyǵarý bastamasy tártibimen engizilgen zań jobalary Palatalardyń birlesken otyrysynda Parlamenttiń dereý qaraýyna jatady.»;

2) 3-tarmaq mynadai mazmundaǵy úshinshi bólikpen tolyqtyrylsyn:

«Osy baptyń 2-tarmaǵynyń ekinshi bóliginde kózdelgen zań jobalary Parlamentke engizilgen jaǵdaida, Respýblika Úkimeti osy tarmaqtyń birinshi bóliginde kórsetilgen máseleler boiynsha zań kúshi bar ýaqytsha normativtik quqyqtyq aktiler qabyldaýǵa óziniń jaýapkershiligimen haqyly, olar Parlament qabyldaǵan zańdar kúshine engenge deiin nemese Parlament zańdardy qabyldamaǵanǵa deiin qoldanysta bolady.»;

3) 4 jáne 5-tarmaqtar mynadai redaktsiiada jazylsyn:

«4. Májilis depýtattary jalpy sanynyń kópshilik daýsymen qabyldanǵan zań Senatqa beriledi, ol onda alpys kúnnen asyrylmai qaralady.

Májilis zań jobasyn depýtattardyń jalpy sanynyń kópshilik daýsymen tutastai qabyldamaýǵa haqyly. Bas tartylǵan zań jobasy qabyldanbady dep esepteledi jáne bastamashyǵa qaitarylady.

Senat depýtattary jalpy sanynyń kópshilik daýsymen maquldanǵan zań on kúnniń ishinde Prezidenttiń qol qoiýyna beriledi. Eger Senat zańdy tutastai nemese onyń jekelegen baptaryn maquldamasa, onda zań Májiliske qaitarylady. Bul rette Senat Májiliske zańnyń jekelegen baptarynyń redaktsiiasyn usynýǵa quqyly.

Eger Senat alpys kúnniń ishinde tiisti sheshim qabyldamaǵan jaǵdaida, zań Prezidenttiń qol qoiýyna beriledi.

5. Eger Májilis zańnyń jekelegen baptarynyń Senat usynǵan redaktsiiasyna depýtattardyń jalpy sanynyń kópshilik daýsymen kelisse, Májilis zańdy jańa redaktsiiada qabyldaǵan jáne Senat maquldaǵan bolyp esepteledi jáne on kúnniń ishinde Prezidenttiń qol qoiýyna beriledi.

Eger Májilis zańnyń jekelegen baptarynyń Senat usynǵan redaktsiiasyna sol kópshilik daýyspen qarsylyq bildirse, sondai-aq eger Senat zańdy tutastai maquldamaǵan jaǵdaida, Palatalar arasyndaǵy kelispeýshilikter kelisý rásimderi arqyly sheshiledi.

Zańnyń kelisý komissiiasy tujyrymdaǵan redaktsiiasy osy baptyń 4-tarmaǵynda belgilengen tártippen Májilistiń jáne Senattyń qaraýyna jatady.

Májilis kelisý komissiiasy usynǵan redaktsiiadaǵy zańdy Palata depýtattary jalpy sanynyń kópshilik daýsymen qabyldamaǵan jaǵdailarda, Májilis buryn qabyldanǵan redaktsiiadaǵy zań boiynsha qaitadan daýysqa salýdy júrgizedi.

Eger qaitadan daýysqa salý kezinde Májilis Palata depýtattary jalpy sanynyń úshten ekisiniń kópshilik daýsymen buryn qabyldanǵan sheshimdi bekitse, zań on kúnniń ishinde Prezidenttiń qol qoiýyna beriledi.

Eger zań Májilis depýtattarynyń kórsetilgen kópshilik daýsyn almasa, zań qabyldanbady dep esepteledi jáne bastamashyǵa qaitarylady.»;

4) 5-1-tarmaq alyp tastalsyn.

21. 62-bapta:

1) 5-tarmaq mynadai redaktsiiada jazylsyn:

«5. Eger Konstitýtsiiada ózgeshe kózdelmese, Palatalar depýtattarynyń jalpy sanynyń kópshilik daýsymen zańdardy Májilis qabyldaidy, Senat maquldaidy.

Eger Konstitýtsiiada ózgeshe kózdelmese, Parlamenttiń jáne onyń Palatalarynyń qaýlylary Palata depýtattary jalpy sanynyń kópshilik daýsymen qabyldanady.»;

2) 6-tarmaq «boiynsha» degen sózden keiin «, konstitýtsiialyq zańdardyń jobalary boiynsha» degen sózdermen tolyqtyrylsyn.

22. VI bólimniń taqyrybyndaǵy «Keńes» degen sóz «Sot» degen sózben aýystyrylsyn.
23. 71-bap mynadai redaktsiiada jazylsyn:

«71-bap

1. Qazaqstan Respýblikasynyń Konstitýtsiialyq Soty Tóraǵany qosa alǵanda, on bir sýdiadan turady, olardyń ókilettigi alty jylǵa sozylady.

Bir adam Konstitýtsiialyq Sottyń sýdiasy bolyp qatarynan eki retten artyq taǵaiyndala almaidy.

2. Konstitýtsiialyq Sottyń Tóraǵasyn Parlament Senatynyń kelisimimen Respýblikanyń Prezidenti taǵaiyndaidy.
3. Konstitýtsiialyq Sottyń tórt sýdiasyn – Respýblika Prezidenti, Konstitýtsiialyq Sottyń úsh-úsh sýdiasyn tiisinshe Senat pen Májilis taǵaiyndaidy.

Respýblika Prezidenti Konstitýtsiialyq Sot Tóraǵasynyń usynýymen Konstitýtsiialyq Sot Tóraǵasynyń orynbasaryn Konstitýtsiialyq Sot sýdialarynyń arasynan taǵaiyndaidy.

4. Konstitýtsiialyq Sottyń sýdiasy qyzmeti depýtattyq mandatpen, oqytýshylyq, ǵylymi nemese ózge shyǵarmashylyq qyzmetten basqa, ózge de aqy tólenetin qyzmetterdi atqarýmen, kásipkerlik qyzmetti júzege asyrýmen, kommertsiialyq uiymnyń basshy organynyń nemese baiqaýshy keńesiniń quramyna kirýmen syiyspaidy.
5. Konstitýtsiialyq Sottyń sýdialaryn ózderiniń ókilettigi merzimi ishinde tutqynǵa alýǵa, kúshtep ákelýge, oǵan sot tártibimen belgilenetin ákimshilik jazalaý sharalaryn qoldanýǵa, qylmys ústinde ustalǵan nemese aýyr qylmystar jasaǵan retterdi qospaǵanda, Parlamenttiń kelisiminsiz qylmystyq jaýapqa tartýǵa bolmaidy.
6. Konstitýtsiialyq Sottyń uiymdastyrylýy men qyzmeti konstitýtsiialyq zańmen retteledi.».
7. 72-bapta:

1) 1 jáne 2-tarmaqtardaǵy «Keńes» degen sóz «Sot» degen sózben aýystyrylsyn;

2) mynadai mazmundaǵy 3, 4 jáne 5-tarmaqtarmen tolyqtyrylsyn:

«3. Konstitýtsiialyq Sot azamattardyń Konsti­tý­tsiiada bekitilgen quqyqtary men bostandyqtaryn tikelei qozǵaityn Qazaqstan Respýblikasynyń norma­tivtik quqyqtyq aktileriniń Respýblika Konsti­týtsiiasyna sáikestigin olardyń ótinishteri boiynsha qaraidy.

Azamattardyń Konstitýtsiialyq Sotqa júginý tártibi men sharttary konstitýtsiialyq zańda aiqyndalady.

4. Konstitýtsiialyq Sot osy baptyń 1-tarmaǵynyń 3) jáne 4) tarmaqshalarynda kórsetilgen máselelerdi, sondai-aq Qazaqstan Respýblikasynyń normativtik quqyqtyq aktileriniń Respýblika Konstitýtsiiasyna sáikestigin Respýblika Bas Prokýrorynyń ótinishteri boiynsha qaraidy.
5. Konstitýtsiialyq Sot Konstitýtsiiada beki­tilgen adamnyń jáne azamattyń quqyqtary men bostan­dyqtaryn qozǵaityn normativtik quqyqtyq aktiler­diń Respýblika Konstitýtsiiasyna sáikestigin Adam quqyqtary jónindegi ýákildiń ótinishi boiynsha qaraidy.».
6. 73-bapta:

1) 1 jáne 2-tarmaqtardaǵy «Keńeske» degen sóz «Sotqa» degen sózben aýystyrylsyn;

2) 3-tarmaq mynadai redaktsiiada jazylsyn:

«3. Konstitýtsiialyq Sot óz sheshimin konstitýtsiialyq zańda belgilengen merzimderde shyǵarady.».

26. 74-bapta:

1) 2-tarmaq mynadai redaktsiiada jazylsyn:

«2. Konstitýtsiialyq Sot sheshim qabyldaǵan kúnnen nemese ol belgilegen kúnnen bastap konstitýtsiialyq emes dep tanylǵan, onyń ishinde adamnyń jáne azamattyń Konstitýtsiiada baiandy etilgen quqyqtary men bostandyqtaryna nuqsan keltiredi dep tanylǵan zańdar men ózge de quqyqtyq aktilerdiń, olardyń jekelegen erejeleriniń kúshi joiylady jáne qoldanylýǵa jatpaidy.»;

2) 3-tarmaqtaǵy «Keńestiń» degen sóz «Sottyń» degen sózben aýystyrylsyn.

27. VII bólimniń taqyryby mynadai redaktsiiada jazylsyn:

«VII bólim

Sottar jáne sot tóreligi. Prokýratýra. Adam quqyqtary jónindegi ýákil».

28. 78-baptaǵy «Keńeske» degen sóz «Sotqa» degen sózben aýystyrylsyn.
29. 82-baptyń 4 jáne 5-tarmaqtary mynadai redaktsiiada jazylsyn:

«4. Joǵary Sot Keńesiniń Tóraǵasyn Respýblika Prezidenti Parlament Senatynyń kelisimimen boiynsha taǵaiyndaidy.

5. Joǵary Sot Keńesiniń mártebesi, quramyn qalyptastyrý tártibi jáne jumysyn uiymdastyrý zańda aiqyndalady.».
6. 83-baptyń 4-tarmaǵyndaǵy «zańmen» degen sózder «konstitýtsiialyq zańda» degen sózdermen 
   aýystyrylsyn.
7. Mynadai mazmundaǵy 83-1-bappen tolyqtyrylsyn:

«83-1-bap

1. Qazaqstan Respýblikasyndaǵy Adam quqyqtary jónindegi ýákil adam men azamattyń buzylǵan quqyqtary men bostandyqtaryn qalpyna kel­tirýge járdemdesedi, adam men azamattyń quqyq­tary men bostandyqtaryn ilgeriletýge yqpal etedi.
2. Adam quqyqtary jónindegi ýákil óz ókilettikterin júzege asyrý kezinde táýelsiz bolady jáne memlekettik organdar men laýazymdy adamdarǵa esep bermeidi.
3. Qylmys ornynda ustap alynǵan nemese aýyr qylmystar jasaǵan jaǵdailardan basqa kezde, Adam quqyqtary jónindegi ýákildi óz ókilettiginiń merzimi ishinde tutqynǵa alýǵa, kúshtep ákelýge, oǵan sot tártibimen belgilenetin ákimshilik jazalaý sharalaryn qoldanýǵa, Senattyń kelisiminsiz qylmystyq jaýaptylyqqa tartýǵa bolmaidy.
4. Adam quqyqtary jónindegi ýákildiń quqyqtyq jaǵdaiy jáne qyzmetin uiymdastyrý konstitýtsiialyq zańda aiqyndalady».
5. 87-bapta:

1) 4-tarmaq mynadai redaktsiiada jazylsyn:

«4. Oblystardyń, respýblikalyq mańyzy bar qalalardyń jáne astananyń ákimderin tiisinshe oblystyń aýmaǵynda ornalasqan máslihattar depýtattarynyń nemese respýblikalyq mańyzy bar qalalardyń jáne astananyń máslihattary depýtattarynyń kelisimimen Respýblika Prezidenti qyzmetke taǵaiyndaidy.

Respýblika Prezidenti daýys berý júrgiziletin keminde eki kandidatýrany usynady. Daýys berýge qatysqan máslihat depýtattarynyń kóp daýysyn alǵan kandidat olardyń kelisimin aldy dep esepteledi.

Ózge ákimshilik-aýmaqtyq birlikterdiń ákimderi zańda aiqyndalatyn tártippen qyzmetke taǵaiyn­dalady nemese sailanady, sondai-aq qyzmetinen bosatylady. Respýblika Prezidenti óziniń uiǵarýy boiynsha oblystardyń, respýblikalyq mańyzy bar qalalardyń jáne astananyń ákimderin qyzmetinen bosatýǵa quqyly.»;

2) 5-tarmaqtyń ekinshi sóilemi mynadai redaktsiia­da jazylsyn:

«Bul jaǵdaida máslihat óz depýtattarynyń jalpy sanynyń kópshilik daýsymen ákimge senimsizdik bildirýge jáne ony qyzmetinen bosatý jóninde oblystardyń, respýblikalyq mańyzy bar qalalardyń jáne astananyń ákimderine qatysty tiisinshe Respýblika Prezidentiniń ne ózge de ákimshilik-aýmaqtyq birlikterdiń ákimderine qatysty joǵary turǵan ákimniń aldyna másele qoiýǵa quqyly.».

33. 88-baptyń 4-tarmaǵyndaǵy «Prezidenti,» degen sóz alyp tastalsyn.
34. 91-bapta:

1) 2-tarmaq mynadai redaktsiiada jazylsyn:

«2. Konstitýtsiiada belgilengen memlekettiń táýelsizdigi, Respýblikanyń birtutastyǵy men aýmaqtyq tutastyǵy, ony basqarý nysany, Respýblika qyzmetiniń túbegeili printsipteri ózgermeidi.»;

2) 3-tarmaqtaǵy «Keńestiń» degen sóz «Sottyń» degen sózben aýystyrylsyn.

35. Mynadai mazmundaǵy 99-bappen tolyq­ty­rylsyn:

«99-bap

1. Konstitýtsiialyq Sot jáne Joǵary aýditorlyq palata qurylǵanǵa deiin Konstitýtsiialyq Keńestiń jáne Respýblikalyq biýdjettiń atqarylýyn baqylaý jónindegi esep komitetiniń tóraǵalary men músheleri óz ókilettikterin saqtaidy.

Konstitýtsiialyq Sot qurylǵanǵa deiin Konstitýtsiianyń 72-babynyń 1 jáne 2-tarmaqtarynda kózdelgen Konstitýtsiialyq Sottyń fýnktsiialaryn Konstitýtsiialyq Keńes júzege asyrady.

2. Konstitýtsiialyq Keńestiń normativtik qaýlylary Konstitýtsiiaǵa qaishy kelmeitin bóliginde olardy Konstitýtsiialyq Sot qaita qaraǵanǵa deiin qoldanylady.
3. Qazaqstan Respýblikasy Konstitýtsiiasynyń Parlament Palatalaryn qalyptastyrý týraly erejeleri segizinshi sailanǵan Parlament Májilisi depýtattarynyń sailaýynan bastap qoldanylady.».

2-bap.

1. Qazaqstan Respýblikasy Konstitýtsiiasynyń konstitýtsiialyq zańdardy jáne zańdardy qabyldaý tártibin, sondai-aq Konstitýtsiialyq Sottyń qyzmetin aiqyndaityn erejeleri 2023 jylǵy 1 qańtardan bastap qoldanysqa engiziledi.

2023 jyldyń 1 qańtaryna Májilis maquldaǵan jáne Parlamenttiń qaraýyndaǵy zań jobalary zańdar bolyp esepteledi jáne Qazaqstan Respýblikasy Konstitýtsiiasynyń 61-babynda belgilengen tártippen qaralady.

2. Qazaqstan Respýblikasy Konstitýtsiiasynyń laýazymdy adamdarǵa ókilettikter berýdiń jańa tártibin belgileitin normalary, eger Qazaqstan Respýblikasynyń Konstitýtsiiasynda ózgeshe kózdelmese, osy laýazymdy adamdardyń ókilettik merziminiń ótýine nemese ókilettiginiń toqtatylýyna qarai qoldanysqa engiziledi.
3. Joǵarǵy aýditorlyq palatanyń quramy qalyptastyrylǵanǵa deiin Respýblikalyq biýdjettiń atqarylýyn baqylaý jónindegi esep komiteti Qazaqstan Respýblikasynyń zańnamasynda kózdelgen fýnktsiialar men ókilettikterdi júzege asyrýdy jalǵastyrady.

3-bap. Osy Zań referendýmnyń qorytyndylary týraly habarlama resmi jariialanǵan kúninen bastap, osy Zańnyń 2-babynyń erejeleri eskerile otyryp qoldanysqa engiziledi.