Áleýmettik jelide jaqyndaryna jasaǵan erekshe syilyǵymen kópshiliktiń yqylasyna bólengen aqtóbelik Erkin Qurmaniiazovtyń videosy qyzý talqylanyp jatyr, dep habarlaidy ult.kz.
37 jastaǵy azamat toi ústinde týǵan-týystaryna tosynsyi jasap, aǵaiynnyń alǵysyna bólengen
Erkin Qurmaniiazovtyń aitýynsha, ol tanymal kásipker de, iri biznes iesi de emes. Saýda-sattyqpen ainalysyp, qarapaiym eńbekpen nápaqasyn taýyp júrgen azamat. Ol Hromtaý aýdanyna qarasty Bógetsai aýylynda dúniege kelgen.
Keiipkerdiń sózinshe, onyń otbasy da jaǵdaiy asa joǵary januialardyń qatarynan bolmaǵan. Ákesi uzaq jyl boiy jaldanyp mal baqqan. Al anasy mektepte eden jýýshy bolyp eńbek etip, bala-shaǵasynyń qamyn jasaǵan.
Osyndai otbasynda tárbielengen Erkin ata-anasynyń eńbegin kórip óskenin aitady. Onyń paiymynsha, adam qandai jetistikke jetse de, aldymen jaqyndarynyń eńbegi men qoldaýyn umytpaýy kerek.
37 jastaǵy azamat óz eńbeginiń arqasynda jaǵdaiyn túzep, endi bala kúninen birge ósken baýyrlaryna qoldaý kórsetýdi maqsat etken. Ol eki apasyna baspana alyp berdi.
Jeli qoldanýshylary Erkin Qurmaniiazovtyń oqiǵasyn ózgelerge de úlgi bolarlyq jaǵdai retinde baǵalap, «Jaqsylyqty jariialaý úshin emes, jaqynyńnyń qýanyshyn kórý úshin jasaý kerek» degen pikirlerin qaldyrǵan.
