Almatyda aǵylshyn tilinen qalalyq Olimpiada nátijelerine qatysty daý-damaiǵa bailanysty «Almaty daryny» ortalyǵynyń basshysy men onyń orynbasary qyzmetinen bosatyldy, dep habarlaidy "
Almaty qalasynyń turǵyny Igor Sabitov Facebook-tegi paraqshasynda qyzy aǵylshyn tilinen respýblikalyq olimpiadanyń qalalyq kezeńinde birinshi oryn alyp, keiin nátijielerdiń ózgerip ketkeni týraly jazdy.
«Meniń qyzym qalalyq olimpiadada aǵylshyn tilinde jeńiske jetti. Biraq bir kúnnen keiin onyń jeńe almaǵany belgili boldy», - dep jazdy ol.
Qalalyq bilim basqarmasy ata-analardyń shaǵymynan keiin qyzmettik tekserý júrgizdi.
«Igor Sabitovtyń jáne qalalyq olimpiadaǵa qatysty túsken basqa da ótinishterge sáikes, qyzmettik tergeý júrgizildi. Ol «Almaty daryny» qalalyq ortalyǵy qyzmetkerleriniń qyzmettik mindetterin durys oryndamaýy faktilerin rastady», - dedi bilim basqarmasynyń bastyǵy Lázzat Jylqybaeva.
Bilim basshysynyń sózinshe, komissiia sybailas jemqorlyqqa qatysty zań buzýshylyqtardy anyqtaǵan joq.
«Arnaiy qurylǵan komissiia sybailas jemqorlyqqa qatysty zań buzýshylyqtardy anyqtaǵan joq. Alaida, kóptegen tehnikalyq qatelikter bolǵan. Osyǵan bailanysty ortalyqtyń basshysy men orynbasary qyzmetinen bosatyldy»,- deidi ol.
