Mektepke deiingi uiymdardaǵy tekserý nátijeleri boiynsha birqatar zań buzýshylyqtar anyqtaldy. Bul tekserýler mektepke deiingi mekemelerde oryn alǵan eleýli problemalardy ashty, atap aitqanda, jalǵan qyzmetkerlerdiń jumysqa ornalastyrylýy jáne olarǵa zańsyz jalaqy eseptelýi siiaqty jymqyrý faktileri. Osyǵan bailanysty Qylmystyq kodekstiń 189-baby negizinde sotqa deiingi tergeý bastaldy, dep habarlaidy "Ult aqparat" Astana qalasynyń prokýratýrasyna silteme jasap.
Sonymen qatar, demalys kezeńinde jeke menshik balabaqshalarda oryndardy saqtaý úshin ata-analardan negizsiz tólemder alynǵany anyqtaldy. Qadaǵalaý organdarynyń aralasýynan keiin bul sharttar qoldanystaǵy zańnamaǵa sáikes keltirildi.
Tekserý barysynda jekelegen balabaqshalarda merzimi ótken dárilik zattar men quramynda synap bar shamdardy saqtaý jáne joiý kezindegi buzýshylyqtar da anyqtaldy. Qadaǵalaý aktileri boiynsha bul buzýshylyqtardy joiý úshin shuǵyl sharalar qabyldanyp, kináli tulǵalar jaýapqa tartyldy.
