Bala quqyqtary jónindegi ýákil Dinara Zákieva memleket otbasynan tartyp alǵan balany keiin ata-anasyna qaitarý múmkindigine qatysty pikir bildirdi.
«Qoldanystaǵy zańnamaǵa sáikes bizde ata-ana quqyǵyn shekteý nemese aiyrý negizderi belgilengen. Bul sheshimdi tek sot shyǵarady. Jalpy, ata-ana quqyǵynan aiyrý nemese shekteý turǵysynda kámeletke tolmaǵandardyń isteri jónindegi komissiiadan kelip túsken materialdardyń 17-20 paiyzyn sot qanaǵattandyratynyn aita keteiin», - dedi D. Zákieva Senatty tilshiler suraǵyna jaýap bere otyryp.
Bul rette ol otbasyna jaǵdaidy túzetýge únemi múmkindik beriletinin aitty.
«Olar balanyń qaýipsizdigine qaýip tóndiretin jaǵdaidy túzetýi tiis belgili bir kezeń bar», - dep naqtylady Bala quqyqtary jónindegi ýákil.
Buǵan deiin Májilis depýtaty Juldyz Súleimenova Parlament qabyldaǵan jańa zańnamalyq normalarda balalardy ata-analarynan tartyp alý máselesi qarastyrylmaǵanyn málim etti.
