بالا قۇقىقتارى جٶنٸندەگٸ ۋەكٸل دينارا زەكيەۆا مەملەكەت وتباسىنان تارتىپ العان بالانى كەيٸن اتا-اناسىنا قايتارۋ مٷمكٸندٸگٸنە قاتىستى پٸكٸر بٸلدٸردٸ.
«قولدانىستاعى زاڭناماعا سەيكەس بٸزدە اتا-انا قۇقىعىن شەكتەۋ نەمەسە ايىرۋ نەگٸزدەرٸ بەلگٸلەنگەن. بۇل شەشٸمدٸ تەك سوت شىعارادى. جالپى, اتا-انا قۇقىعىنان ايىرۋ نەمەسە شەكتەۋ تۇرعىسىندا كەمەلەتكە تولماعانداردىڭ ٸستەرٸ جٶنٸندەگٸ كوميسسييادان كەلٸپ تٷسكەن ماتەريالداردىڭ 17-20 پايىزىن سوت قاناعاتتاندىراتىنىن ايتا كەتەيٸن», - دەدٸ د. زەكيەۆا سەناتتى تٸلشٸلەر سۇراعىنا جاۋاپ بەرە وتىرىپ.
بۇل رەتتە ول وتباسىنا جاعدايدى تٷزەتۋگە ٷنەمٸ مٷمكٸندٸك بەرٸلەتٸنٸن ايتتى.
«ولار بالانىڭ قاۋٸپسٸزدٸگٸنە قاۋٸپ تٶندٸرەتٸن جاعدايدى تٷزەتۋٸ تيٸس بەلگٸلٸ بٸر كەزەڭ بار», - دەپ ناقتىلادى بالا قۇقىقتارى جٶنٸندەگٸ ۋەكٸل.
بۇعان دەيٸن مەجٸلٸس دەپۋتاتى جۇلدىز سٷلەيمەنوۆا پارلامەنت قابىلداعان جاڭا زاڭنامالىق نورمالاردا بالالاردى اتا-انالارىنان تارتىپ الۋ مەسەلەسٸ قاراستىرىلماعانىن مەلٸم ەتتٸ.
