Burynǵy Aýyl sharýashylyǵy ministri Asyljan Mamytbekov Qazaqstannyń et odaǵy tóraǵasy bolyp taǵaiyndaldy. Bul týraly Úkimet úiindegi baspasóz máslihatynda QR Aýyl sharýashylyǵy birinshi vitse-ministri Arman Evniev aitty, dep habarlaidy QazAqparat.
«Ol Qazaqstannyń et odaǵynyń tóraǵasy bolyp taǵaiyndalǵany týraly aqparat bar. Biz qazirgi kezde barlyq salalyq odaqtarmen ári birlestiktermen tyǵyz jumystardy bastadyq. Osy olraida olarmen birlese, salada qordalanǵan máselelerdi sheshýge tyrysýdamyz», - dedi Arman Evniev.
Onyń sózine qaraǵanda, Aýyl sharýashylyǵy ministrligi jobalyq keńseni nemese ashyq alańdy qurýda. Oǵan sarapshylar men biznesmender tartylady.
«Onyń ishinde Asyldan Sarybaiuly da bizge kómektesýde, bul rette ol óziniń keńesterin beredi», - dedi ol.
Esterińizge sala keteiik, Asyljan Mamytbekov ministr laýazymynda 2011 jyldyń sáýirinen 2016 jyldyń mamyry aralyǵynda boldy.
Budan buryn habarlanǵandai, 2017 jylǵy jeltoqsannyń aiaǵynda A. Mamytbekov «Astana Banki» AQ direktorlar keńesinen ketkendigi habarlanǵan edi.
