بۇرىنعى اۋىل شارۋاشىلىعى مينيسترٸ اسىلجان مامىتبەكوۆ قازاقستاننىڭ ەت وداعى تٶراعاسى بولىپ تاعايىندالدى. بۇل تۋرالى ٷكٸمەت ٷيٸندەگٸ باسپاسٶز مەسليحاتىندا قر اۋىل شارۋاشىلىعى بٸرٸنشٸ ۆيتسە-مينيسترٸ ارمان ەۆنيەۆ ايتتى, دەپ حابارلايدى قازاقپارات.
«ول قازاقستاننىڭ ەت وداعىنىڭ تٶراعاسى بولىپ تاعايىندالعانى تۋرالى اقپارات بار. بٸز قازٸرگٸ كەزدە بارلىق سالالىق وداقتارمەن ەرٸ بٸرلەستٸكتەرمەن تىعىز جۇمىستاردى باستادىق. وسى ولرايدا ولارمەن بٸرلەسە, سالادا قوردالانعان مەسەلەلەردٸ شەشۋگە تىرىسۋدامىز», - دەدٸ ارمان ەۆنيەۆ.
ونىڭ سٶزٸنە قاراعاندا, اۋىل شارۋاشىلىعى مينيسترلٸگٸ جوبالىق كەڭسەنٸ نەمەسە اشىق الاڭدى قۇرۋدا. وعان ساراپشىلار مەن بيزنەسمەندەر تارتىلادى.
«ونىڭ ٸشٸندە اسىلدان سارىبايۇلى دا بٸزگە كٶمەكتەسۋدە, بۇل رەتتە ول ٶزٸنٸڭ كەڭەستەرٸن بەرەدٸ», - دەدٸ ول.
ەستەرٸڭٸزگە سالا كەتەيٸك, اسىلجان مامىتبەكوۆ مينيستر لاۋازىمىندا 2011 جىلدىڭ سەۋٸرٸنەن 2016 جىلدىڭ مامىرى ارالىعىندا بولدى.
بۇدان بۇرىن حابارلانعانداي, 2017 جىلعى جەلتوقساننىڭ اياعىندا ا. مامىتبەكوۆ «استانا بانكٸ» اق ديرەكتورلار كەڭەسٸنەن كەتكەندٸگٸ حابارلانعان ەدٸ.
