Almatynyń qurmetti azamaty, belgili ǵalym jáne qoǵam qairatkeri, QR Ulttyq ǵylym akademiiasynyń korrespondent-múshesi Asyly Áliqyzy Osman II dárejeli «Barys» ordenimen marapattaldy, dep habarlaidy ult.kz.
Memleket basshysy Qasym-Jomart Toqaevtyń Jarlyǵymen berilgen joǵary memlekettik nagradany Prezidenttiń atynan Almaty ákimi Darhan Satybaldy tabystady.
Asyly Osman Memlekettik til qaýymdastyǵyn basqarady jáne uzaq jyl boiy qazaq tilin damytýǵa jáne dáripteýge, ulttyq qundylyqtardy nasihattaýǵa, qoǵamdyq kelisimdi nyǵaitýǵa atsalysyp keledi. Ol 200-den astam ǵylymi jáne aýdarma maqalanyń avtory.
Memleket basshysy onyń memlekettik tildi damytýǵa, turaqtylyqty saqtaýǵa jáne qoǵam birligin nyǵaitýǵa qosqan úlesine joǵary baǵa berdi.
Darhan Satybaldy Asyly Osmannyń Almatynyń qoǵamdyq jáne mádeni ómirindegi erekshe rólin atap ótti.
