1 naýryz kúni elimizde jalpyhalyqtyq mereke - Alǵys aitý kúni atalyp ótedi. Osy mereke qarsańynda belgili qoǵam qairatkeri, Qazaqstan halqy Assambleiasynyń múshesi, Qazaqstannyń eńbek sińirgen qairatkeri, filologiia ǵylymynyń doktory, professor, til janashyry Asyly Osman qazaq halqyna degen rizashylyǵy bildirdi, dep habarlaidy QazAqparat.
Onyń aitýynsha, Alǵys sóziniń ózi ystyq yqylas, jyly júrekpen aitylǵan izgi niettegi sóz.
«Alǵys degen sózdiń máni erekshe. Qiyn kezeńde jartysyn jaryp, bútinin bólip, ózge etnostardy baýyryna basqan Qazaq halqyna alǵysymyz sheksiz. Sol dáýirlerde bizge pana da, ana da bolǵan - qazaq. Qazaq halqynyń arqasynda biz búgingi kúnge jetip otyrmyz», - deidi Asyly Osman.
Qazaqstan halqy Assambleiasy múshesiniń oiynsha, jer betinde Qazaq halqyndai halyq joq.
«Óz basym alǵysty aldymen kóktegi Qudaiǵa, odan keiin jerdegi darhandyǵy dalasynan daryǵan sol dalanyń iesi Qazaq degen halyqqa aitamyn. Sózi qýatty, júzi shýaqty, tilegi tunyq, nieti aq, eshkimdi jatsynbaityn qazaq halqyna barsha etnos ókilderi qaryzdar. Qazaq halqy bulttan tómen bolǵanymen ózgeden biik dep sanaimyn», - deidi ol.
Sonymen qatar, ol árbir otbasy bir-bir memleket ekenin atap ótti. Otbasynda tynyshtyq bolsa, memlekettiń de birligi bekem bolady, dostyq nyǵaiady. Bul oraida Qazaqstan halqy Assambleiasynyń atqaryp otyrǵan róli zor.
«Biz «Alǵys aitý kúninde» ǵana emes, árdaiym bir-birimizge shynaiy nietimizdi, alǵysymyzdy bildirip júrýimiz kerek. Qazaqstan halqy Assambleiasynyń da basty maqsaty – ultaralyq kelisimdi nyǵaitý, elimizdegi turaqtylyqty qamtamasyz etý», - dedi Qazaqstannyń eńbek sińirgen qairatkeri.
Aita keteiik, 2015 jyldyń sáýir aiynda QHA 22-shi sessiiasy men QHA 20 jyldyǵyn merekeleý kezinde QR Tuńǵysh Prezidenti – Elbasy Qazaqstanda Alǵys kúnin atap ótýdi usyndy. Bul kún - barlyq qazaqstandyqtardyń bir-birine degen mahabbaty men dostyǵynyń jarqyn belgisi.
.jpeg)