1 ناۋرىز كٷنٸ ەلٸمٸزدە جالپىحالىقتىق مەرەكە - العىس ايتۋ كٷنٸ اتالىپ ٶتەدٸ. وسى مەرەكە قارساڭىندا بەلگٸلٸ قوعام قايراتكەرٸ, قازاقستان حالقى اسسامبلەياسىنىڭ مٷشەسٸ, قازاقستاننىڭ ەڭبەك سٸڭٸرگەن قايراتكەرٸ, فيلولوگييا عىلىمىنىڭ دوكتورى, پروفەسسور, تٸل جاناشىرى اسىلى وسمان قازاق حالقىنا دەگەن ريزاشىلىعى بٸلدٸردٸ, دەپ حابارلايدى قازاقپارات.
ونىڭ ايتۋىنشا, العىس سٶزٸنٸڭ ٶزٸ ىستىق ىقىلاس, جىلى جٷرەكپەن ايتىلعان ٸزگٸ نيەتتەگٸ سٶز.
«العىس دەگەن سٶزدٸڭ مەنٸ ەرەكشە. قيىن كەزەڭدە جارتىسىن جارىپ, بٷتٸنٸن بٶلٸپ, ٶزگە ەتنوستاردى باۋىرىنا باسقان قازاق حالقىنا العىسىمىز شەكسٸز. سول دەۋٸرلەردە بٸزگە پانا دا, انا دا بولعان - قازاق. قازاق حالقىنىڭ ارقاسىندا بٸز بٷگٸنگٸ كٷنگە جەتٸپ وتىرمىز», - دەيدٸ اسىلى وسمان.
قازاقستان حالقى اسسامبلەياسى مٷشەسٸنٸڭ ويىنشا, جەر بەتٸندە قازاق حالقىنداي حالىق جوق.
«ٶز باسىم العىستى الدىمەن كٶكتەگٸ قۇدايعا, ودان كەيٸن جەردەگٸ دارحاندىعى دالاسىنان دارىعان سول دالانىڭ يەسٸ قازاق دەگەن حالىققا ايتامىن. سٶزٸ قۋاتتى, جٷزٸ شۋاقتى, تٸلەگٸ تۇنىق, نيەتٸ اق, ەشكٸمدٸ جاتسىنبايتىن قازاق حالقىنا بارشا ەتنوس ٶكٸلدەرٸ قارىزدار. قازاق حالقى بۇلتتان تٶمەن بولعانىمەن ٶزگەدەن بيٸك دەپ سانايمىن», - دەيدٸ ول.
سونىمەن قاتار, ول ەربٸر وتباسى بٸر-بٸر مەملەكەت ەكەنٸن اتاپ ٶتتٸ. وتباسىندا تىنىشتىق بولسا, مەملەكەتتٸڭ دە بٸرلٸگٸ بەكەم بولادى, دوستىق نىعايادى. بۇل ورايدا قازاقستان حالقى اسسامبلەياسىنىڭ اتقارىپ وتىرعان رٶلٸ زور.
«بٸز «العىس ايتۋ كٷنٸندە» عانا ەمەس, ەردايىم بٸر-بٸرٸمٸزگە شىنايى نيەتٸمٸزدٸ, العىسىمىزدى بٸلدٸرٸپ جٷرۋٸمٸز كەرەك. قازاقستان حالقى اسسامبلەياسىنىڭ دا باستى ماقساتى – ۇلتارالىق كەلٸسٸمدٸ نىعايتۋ, ەلٸمٸزدەگٸ تۇراقتىلىقتى قامتاماسىز ەتۋ», - دەدٸ قازاقستاننىڭ ەڭبەك سٸڭٸرگەن قايراتكەرٸ.
ايتا كەتەيٸك, 2015 جىلدىڭ سەۋٸر ايىندا قحا 22-شٸ سەسسيياسى مەن قحا 20 جىلدىعىن مەرەكەلەۋ كەزٸندە قر تۇڭعىش پرەزيدەنتٸ – ەلباسى قازاقستاندا العىس كٷنٸن اتاپ ٶتۋدٸ ۇسىندى. بۇل كٷن - بارلىق قازاقستاندىقتاردىڭ بٸر-بٸرٸنە دەگەن ماحابباتى مەن دوستىعىنىڭ جارقىن بەلگٸسٸ.
.jpeg)