Qazaqstannyń Syrtqy ister ministrligi Asylbek Mýsinniń qaza bolý mán-jaiy týraly aitty, dep habarlaidy "Ult aqparat".
«Qazaqstan azamatynyń qaza tabý faktisi boiynsha Riga qalasynyń politsiia bólimshesi qylmystyq is qozǵap, tergeý amaldaryn bastady. Olar qaiǵyly jaǵdaidyń neden bolǵandyǵyn anyqtaityn bolady. Keshe Rigaǵa kelgen qaza bolǵan azamattyń aǵasy Qazaqstan konsýlymen birge sot-meditsinalyq saraptamalyq ortalyǵyna baryp, Asylbek Mýsinniń múrdesin tanydy», - dedi QR SIM baspasóz qyzmetiniń jetekshisi Ánýar Jainaqov.
Onyń aitýynsha, qaiǵyly oqiǵa 22-sinen 23-shi jeltoqsanǵa qaraǵan túni bolǵan, is 22 jeltoqsan kúni saǵat 23-42-de tirkelgen.
Politsiia málimetinde, Asylbek Mýsin 15 qabattan terezeden qulaǵan.
«Asylbek Mýsin Qazaqstan Elshiliginde konsýldyq esepte turmaǵan. Keibir málimetterge sáikes onyń Rigada turýǵa yqtiiar haty bolǵan», - dedi ol.
Eske sala keteiik, biz buǵan deiin QR Prezidenti Ákimshiliginiń burynǵy basshysy Aslan Mýsinniń uly Asylbek Rigada ómirden ozǵandyǵy týraly habarlaǵan bolatynbyz.
