Batys Qazaqstan oblysynda sheteldik astyqty Qazaqstanda óndirilgen ónim retinde rásimdep, Ortalyq jáne Ońtústik Aziia elderine eksporttaý shemasy áshkerelendi. QMA málimetinshe, shema arqyly 11,2 mlrd teńgeniń shamamen 130 myń tonna astyǵy Ózbekstan, Aýǵanstan jáne Tájikstanǵa jetkizilgen, dep habarlaidy ult.kz.
Tergeý nusqasyna sáikes, jalǵan kompaniialar tirkelip, olar men otandyq sharýa qojalyqtary arasynda astyq satyp alý týraly jalǵan kelisimder jasalǵan. Osylaisha sheteldik astyqqa «qazaqstandyq ónim» mártebesi berilip, tasymaldaýǵa jeńildetilgen tarif qoldanylǵan.
Shemada Bakery Nan, KazGrano, Perfect Seed, Weizen jáne Golden Grain Kazakhstan kompaniialary paidalanylǵan. Sonyń saldarynan «QTJ – Júk tasymalyna» 1 mlrd teńgeden astam, al memleket múddesine 1,2 mlrd teńge zalal kelgen.
Is boiynsha bes adam kúdikti dep tanyldy. Sotqa deiingi tergeý aiaqtalyp, qazir kúdiktiler is materialdarymen tanysyp jatyr.
