«Islam memleketi» lańkestik toby Astrahanda eki politseidiń óltirilýi jáne Resei gvardiiasyna jasalǵan shabýyl úshin jaýapkershilikti óz moinyna aldy.
Bul týraly sodyrlardyń qyzmetine monitoring júrgizetin SITE Intelligence Group uiymy habarlady, dep jazady Gazeta.ru.
Eske salaiyq, 4 sáýir kúni Astrahanda jol-kólik oqiǵasyna qatysýshylar apat ornyna jetken politsiia qyzmetkerlerin atyp óltirip, izderin sýytty. Keiin politseiler bes kúdiktini ustady, taǵy bes qylmysker qashyp úlgerdi.
6 sáýirge qaraǵan túni Astrahanda belgisiz adamdar avtomobil salonynan Resei gvardiiasynyń úsh qyzmetkerine qarsy oq atty. Úsh quqyq qorǵaýshy jaraqattanyp, shabýyl jasaǵandardyń biri óltirildi.
Resei gvardiiasynyń jaýyngerleri arnaiy operatsiia sheńberinde osy eki shabýylǵa qatysy bar barlyq kúdiktiniń kózin joidy.
