Eýropalyq ǵarysh agenttigi (EǴA) diametri 15-30 metrdi quraityn asteroidtyń jaqyndap kele jatqandyǵyn habarlady.
EǴA málimetinshe, asteroid Jerge óte jaqyn - nebári 44 myń shaqyrymdai qashyqtyqta ushyp ótedi. Sondai-aq, ǵarysh nysanynyń bizdiń ǵalamsharymyzdyń janynan 12 qazan kúni ótetindigi aitylǵan. Óz kezeginde France Press agenttigi asteroidtyń kólemi úimen salystyrarlyqtai ekendigin atap ótti.
EǴA málimetinshe, mundai kólemdegi asteroidtyń Jer atmosferasyna enýin 2013 jyly Cheliabide qulaǵan meteorittiń saldarymen salystyrýǵa bolady.
«Asteroidtyń arasy óte jaqyn», - dedi France Press agenttigine suhbat bergen ǵaryshtyq ushý basqarmasynyń eýropalyq ortalyǵynyń direktory Rolf Desing.
Astronomdar ázirge kózge kórinip turǵan ǵarysh nysanyn jáne onyń quramy jaily meilinshe egjei-tegjeili zertteýdi josparlap otyr.
