Búgin qalalyq máslihattyń kezekti sessiiasy barysynda depýtattar Astana qalasynda jańadan qurylǵan "Baiqońyr" aýdanynyń jańa ákiminiń taǵaiyndalýyn maquldady, dep habarlady Astana qalasy ákiminiń resmi saity.
"Baiqońyr" aýdanynyń ákimi qyzmetine Erlan Kanalimovtyń kandidatýrasy usynyldy. Máslihat depýtattary usynylǵan kandidatýrany biraýyzdan qoldady.
Kanalimov Erlan Ermekuly 1982 jyly 22 tamyzdaǵy Tselinograd qalasynda dúniege kelgen, ulty – qazaq.
Bilimi: "Ekonomist, zańger", Astana qalasynyń Basqarý institýtynda 2003 jyly, Qazaqstan-Resei ýniversitetinde 2007 jyly bilim alǵan.
Qyzmet joly:
- 12.09.2003 – 05.01.2005 Astana qalasy "Saryarqa" aýdany ákimi apparaty uiymdastyrý–baqylaý jáne kadrlyq bóliminiń bas mamany.
- 05.01.2005 – 18.08.2005 "Saryarqa" aýdany ákiminiń keńesshisi.
- 18.08.2005 – 01.02.2006 Astana qalasy "Saryarqa" aýdany ákimi apparaty uiymdastyrý–baqylaý jáne kadrlyq jumys bóliminiń bastyǵy.
- 01.02.2006 – 01.10.2007 Astana qalasy "Saryarqa" aýdany ákiminiń keńesshisi.
- 27.09.2007 – 01.10.2009 Astana qalasy ákimi apparatynyń uiymdastyrý–inspektorlyq bóliminiń meńgerýshisi.
- 02.10.2009 – 12.08.2013 Astana qalasy ákimi apparaty basshysynyń orynbasary.
- 12.08.2013 – 03.08.2015 Astana qalasy ákimdiginiń "Daǵdarys ortalyǵy" KMM direktory.
- 03.08.2015 bastap "Astana qalasy Ishki saiasat basqarmasy" MM basshysy qyzmetin atqardy.
Úilengen, tórt balasy bar.
