Politseiler Astana turǵynyna avtoturaqqa qoiylǵan kóligin tabýǵa kómektesti, dep habarlady elordalyq ishki ister departamentiniń baspasóz qyzmeti.
Qala turǵyny Ian Legnavskii elordalyq politsiianyń basshysyna alǵyz sóz jazylǵan hat joldady. Kólik júrgizýshisi 22 qańtar kúni Saýran kóshesindegi úidiń aýmaǵyna kóligin qalai turaqqa qoiǵanyn aityp berdi.
"Shamamen eki saǵattan keiin avtoturaqqa qaityp kelip, kóligimdi taba almadym" — dep jazdy ol.
Ian Legnavskii tutas kvartaldy birneshe ret ainalyp shyqqan, aiaz 36 gradýsqa deiin kóterilip, jaǵdaidy qiyndatqan. Kóligin izdeimin dep qatty tońyp qalǵan. Sodan soń IID Jedel basqarý orrtalyǵynyń 102 nómirine qońyraý shalyp, politseilerden kómek suraǵan.
"102 telefonyna qońyraý shaldym. Birneshe minýttan keiin sol jerde patrýl mashinasyn kútińiz degen habar keldi", — dep jalǵastyrdy astanalyq.
Lezde jetken politseiler kerek málimetti alyp, ortalyq beinebaqylaý pýnktine jibergen. Sodan keiin olar kólik turýy múmkin aýmaqty aralaýdy bastaidy.
"Meniń bir tańǵalǵanym, bes minýttan keiin patrýlge ortalyq beinebaqylaý pýnktinen kóliktiń qaida turǵany týraly habarlama keldi. Birneshe minýttyń ishinde kóligime otyrdym", — dep jazdy Legnavskii.
Qala turǵyny óz hatynda Jedel basqarý orrtalyǵynyń qyzmetkerleri men kómekke kelgen patrýldik mashinanyń ekipajyna alǵys jariialaýdy suraǵan.
