پوليتسەيلەر استانا تۇرعىنىنا اۆتوتۇراققا قويىلعان كٶلٸگٸن تابۋعا كٶمەكتەستٸ, دەپ حابارلادى ەلوردالىق ٸشكٸ ٸستەر دەپارتامەنتٸنٸڭ باسپاسٶز قىزمەتٸ.
قالا تۇرعىنى يان لەگناۆسكيي ەلوردالىق پوليتسييانىڭ باسشىسىنا العىز سٶز جازىلعان حات جولدادى. كٶلٸك جٷرگٸزۋشٸسٸ 22 قاڭتار كٷنٸ ساۋران كٶشەسٸندەگٸ ٷيدٸڭ اۋماعىنا كٶلٸگٸن قالاي تۇراققا قويعانىن ايتىپ بەردٸ.
"شامامەن ەكٸ ساعاتتان كەيٸن اۆتوتۇراققا قايتىپ كەلٸپ, كٶلٸگٸمدٸ تابا المادىم" — دەپ جازدى ول.
يان لەگناۆسكيي تۇتاس كۆارتالدى بٸرنەشە رەت اينالىپ شىققان, اياز 36 گرادۋسقا دەيٸن كٶتەرٸلٸپ, جاعدايدى قيىنداتقان. كٶلٸگٸن ٸزدەيمٸن دەپ قاتتى توڭىپ قالعان. سودان سوڭ ٸٸد جەدەل باسقارۋ وررتالىعىنىڭ 102 نٶمٸرٸنە قوڭىراۋ شالىپ, پوليتسەيلەردەن كٶمەك سۇراعان.
"102 تەلەفونىنا قوڭىراۋ شالدىم. بٸرنەشە مينۋتتان كەيٸن سول جەردە پاترۋل ماشيناسىن كٷتٸڭٸز دەگەن حابار كەلدٸ", — دەپ جالعاستىردى استانالىق.
لەزدە جەتكەن پوليتسەيلەر كەرەك مەلٸمەتتٸ الىپ, ورتالىق بەينەباقىلاۋ پۋنكتٸنە جٸبەرگەن. سودان كەيٸن ولار كٶلٸك تۇرۋى مٷمكٸن اۋماقتى ارالاۋدى باستايدى.
"مەنٸڭ بٸر تاڭعالعانىم, بەس مينۋتتان كەيٸن پاترۋلگە ورتالىق بەينەباقىلاۋ پۋنكتٸنەن كٶلٸكتٸڭ قايدا تۇرعانى تۋرالى حابارلاما كەلدٸ. بٸرنەشە مينۋتتىڭ ٸشٸندە كٶلٸگٸمە وتىردىم", — دەپ جازدى لەگناۆسكيي.
قالا تۇرعىنى ٶز حاتىندا جەدەل باسقارۋ وررتالىعىنىڭ قىزمەتكەرلەرٸ مەن كٶمەككە كەلگەن پاترۋلدٸك ماشينانىڭ ەكيپاجىنا العىس جارييالاۋدى سۇراعان.
