29 shilde kúni tańerteń Astanadaǵy Prezidenttik saiabaq aýmaǵynda boijetkenge er adam shabýyl jasaǵan, dep habarlaidy ult.kz.
Zardap shekken qyzdyń anasynyń aitýynsha, kúdikti oǵan jynystyq sipattaǵy zorlyq-zombylyq jasaýǵa árekettengen. Alaida boijetken qatty aiqailap, qarsylyq kórsetkendikten, shabýyldaýshy oqiǵa ornynan qashyp ketken.
Qyz qashyp bara jatqan kúdiktini uialy telefonyna videoǵa túsirip úlgergen. Sonyń arqasynda politsiia qyzmetkerleri 27 jastaǵy kúdiktini jedel túrde ustady.
Degenmen, qyzdyń zorlaýǵa áreket jasalǵany týraly málimdemesine qaramastan, ázirge kúdiktige qatysty tek «usaq buzaqylyq» baby boiynsha ákimshilik material rásimdelgen. Is sottyń qaraýyna joldandy.
