- Áleýmettik jelilerdi paidalanýshylar Shahanda qulaǵan (Qaraǵandy oblysy) úidiń saldarynan zardap shekken otbasylarǵa azyq-túlik pen jyly kiim túrinde kómek uiymdastyrdy. Bul týraly feisbýk jelisinde «Atameken» QR Ulttyq kásipkerler palatasy tóraǵasynyń orynbasary, basqarma múshesi Murat Ábenov jazdy.
«Keshe Erlan Sairov pen Aqberen Elgezek bastaǵan bastamashy top ókilderi buzylmaityn azyq-túlik pen jyly kiim túrinde qaiǵyly jaǵdaidan zardap shekken balalarǵa kómek uiymdastyrý jóninde sheshim qabyldaǵan bolatyn. Búgin kómek qabyldaý qoǵamdyq tiregi ashyldy. Azamattardyń belsendiligi qatty qýantty. Kómek qolyn sozǵan azamattar kúni boiy kelip jatty. Olardyń kópshiligi orta tap ókilderi. Olar qoldarynan kelgenderin jetkizip jatyr. Aita ketetini, kómekke kelgenderdiń basym bóligi ózderi kómekti qajet etetin azamattar. Iaǵni olar: zeinetkerler, stýdentter, biýdjettik sala qyzmetkerleri, jas otbasylar. Kópshilik azamattar bala-shaǵalarymen birge kelip jatyr. Olar úshin kómekti qajet etip otyrǵan adamdarǵa birge kelý óte mańyzdy», - dep jazdy ol.
«Erteń qoǵamdyq kómek qabyldaý orny óziniń jumysyn jalǵastyrady. Mekenjaiyn eske sal keteiin: Astana qalasy, Momyshuly men Sátpaev kósheleriniń qiylysyndaǵy «Belyi veter» dúkeni. Keńse 3-shi qabatta. Qabyldaý tireginiń jumysy tańǵy saǵat 10-00-den keshki 17-00-ge deiin úzilissiz jalǵasady. Kómek kórsetem deýshiler juma kúni de kele alady. Senbi kúni jinalǵan zattar Shahanǵa jiberiledi», - dep qosty ol.
Aita keteiik, 1 qańtar kúni 22 saǵat 40 minýttar shamasynda Qaraǵandy oblysynyń Tótenshe jaǵdailar departamentine Shahan kentinde kópqabatty úidiń qulaǵany jóninde arnaiy habar kelip túsken. Oqiǵa ornyna tótenshe jaǵdailar qyzmetiniń kúsh-qurylymdary men arnaiy tehnikalary jóneltilip, turǵyndardy evakýatsiialaý jumystary júrgizildi. Shahan kentiniń ákimdigi janynan 8 (72156) 3-24-17 nómiri boiynsha, jedel jeli qyzmeti uiymdastyryldy.
Qiraǵan úidiń úiindilerinen 9 adamnyń máiiti tabyldy. Olardyń 3-ýi er adam, 3-ýi áiel adam, taǵy úsheýi balalar. Mert bolǵan otbasynyń árbir múshesine 1 million teńge materialdyq kómek kórsetiledi. Aýrýhanada jatqan, zardap shekkender úshin 500 myń teńgeden tólenedi.
.jpeg)