Foto: © Sputnik / Vladislav Vodnev
Astanalyqtar bir bólmeli páterlerdi belsendi túrde satyp alyp jatyr. Turǵyn úi naryǵyndaǵy belsendilik boiynsha elorda Almatyny basyp ozdy, dep habarlaidy Sputnik Qazaqstan agenttigi Ulttyq statistika biýrosyna silteme jasap.
2023 jyldyń shildesinde mámileler sany boiynsha Astana (6 675 – 19,5%), Almaty (5 217 – 15,2%) qalalary, sonymen qatar, Qaraǵandy oblysy (3 118 – 9,1%) kósh bastap tur. Mámileler sany Ulytaý oblysynda eń az – 425 birlik (1,2%).
2023 jyldyń maýsym aiymen salystyrǵanda, shildede mámileler sanynyń eń kóp ósimi Astana qalasynda (47,6%), Túrkistan (39,4%) jáne Ulytaý (23,9%) oblystarynda tirkeldi, bir aidaǵy eń úlken tómendeý Qostanai (8,1%), Qyzylorda (5,5%) jáne Atyraý (3,1%) oblystarynda baiqaldy.
2023 jyldyń maýsymymen salystyrǵanda, kóppáterli úilerdegi turǵyn úi mámileleriniń sany 15,7% (3 451 mámilege) ósti. Shilde aiynda páterler boiynsha barlyǵy 25 444 mámile jasaldy, bul mámilelerdiń jalpy sanynyń 74,3%-y.
"Bólmeler sany boiynsha 1 bólmeli páterler satylymy basym boldy, shilde aiynda olardyń 9 779-y resimdeldi. Saýdanyń negizgi úlesi Astana (25,8%), Almaty (18,3%) qalalaryna jáne Qaraǵandy oblysyna (10%) tiesili", - dep jazylǵan habarlamada.
2023 jyldyń maýsym aiymen salystyrǵanda, shildede jeke turǵyn úiler boiynsha mámileler sany da 11,3%-ǵa ulǵaiyp (894 mámilege), 8 781-di qurady. Oń kórsetkish elimizdiń barlyq óńirinde baiqaldy.
2023 jyldyń shildesinde turǵyn úidi satyp alý-satý mámileleri byltyrǵy jyldyń tiisti aiymen salystyrǵanda 12,6%-ǵa ósti, ol kezde 30 393 mámile resimdelgen bolatyn. Eń joǵarym ósim kórsetkishi Astana qalasynda (52%-ǵa) baiqaldy. Azaiýdyń eń joǵarǵy kórsetkishi Shyǵys-Qazaqstan oblysynda (25,6%) tirkeldi.
2023 jyldyń qańtar-shilde ailaryndaǵy mámileler sanynyń 2022 jyldyńqańtar-shilde ailaryndaǵy mámileler sanymen salystyrǵanda teris dinamika ornyqty – 33,7% kem.
Bir jylda (2023 jylǵy shildeden 2022 jylǵy shildege deiin) jańa turǵyn úilerdi satý 4,3% ósti, al páterlerdi qaita satý baǵalary 0,7% tómendedi. Abattandyrylǵan turǵyn úidi jalǵa alý tólemi ótken jylǵy tiisti aimen salystyrǵanda 2023 jylǵy shildede 28,6% artty.
